Ուաշինկթըն Անուղղակիօրէն կը Հաստատէ, Թէ Սուրիոյ Իշխանութիւններուն Դէմ Կռուող Ուժերը Ահաբեկչական Կազմակերպութիւններ Են

0
129

Ալ Քայիտա եւ Ճեպհէթ Նասրա ահաբեկչական կազմակերպութիւններուն  մնաց Սուրիոյ մէջ ժողովրդավար հասարակագ ստեղծելու առաքելութիւնը…:

Միացեալ Նահանգներու վարչակազմը առաջին անգամ պաշտօնապէս հաստատած է, որ Սուրիոյ տարածքին մարտնչող ապստամբներու շարքին գործող կազմակերպութիւններէն մէկը, որ կը կրէ  Ճեպհէթ Նասրա՝ Աջակցութեան ճակատ անունը, ահաբեկչական խմբաւորում է կապուած՝ իրաքեան Ալ Քաիտա ցանցին հետ: Այս մասին կը յայտնէ Ռոյթըրզ։

ԱՄՆ պետական քարտուղարութեան ներկայացուցիչ Վիքթորիա Նուլանտ յայտարարած եւ ներկայացուցած է այդ խմբաւորման դէմ պայքարի ռազմավարութիւնը:

Խմբաւորումը յայտնի է Սուրիոյ տարածքին տարբեր պետական հաստատութիւններու դէմ ուղղուած ահաբեկչական գործողութիւններ, պայթումներ կազմակերպելով:

Նման գործողութիւններու հետեւանքով զոհուած են հարիւրաւոր խաղաղ բնակիչներ, սակայն հակառակ բազում փորձերուն, Միացեալ Նահանգները եւ անոր դաշնակիցները կը խուսափէին պաշտօնական դատապարտումներ հնչեցնել: Զեկուցագրի մէջ նշուած է, որ թէեւ այդ կազմակերպութիւնը հանդէս կու գայ այսպէս կոչուած  Սուրիական ազատ բանակի  շարքերուն մէջ, սակայն կը գործէ ինքնուրոյն եւ ունի առանձին հրամանատարութիւն: Ան այնքան ալ մեծաթիւ չէ մարդկային կազմով, սակայն շատ արիւնարբու է եւ Շարիաթի վրայ հիմնուած պետութիւն ձեւաւորելու նպատակ կը հետապնդէ Սուրիոյ մէջ: Այս խմբաւորմանը  նաեւ սկսած են անուանել իբրեւ սուրիական հակամարտութեան մասնակից երրորդ ուժ:

LEAVE A REPLY

Please enter your comment!
Please enter your name here