Սուրիոյ Հայաշատ Քաղաքներու Իրավիճակը

0
122

 Սուրիոյ մէջ եւս ցրտաշունչ ձմեռը սկսած է. հայաշատ քաղաքներէն ընդհանուր առմամբ ամենավատ վիճակի մէջ է Հալէպը, որովհետեւ երկրի մէջ համատարած կենցաղային դժուարութիւններէն բացի` վնասուած տուները շատ են, պայթումներու եւ կրակոցներու ձայները կը շարունակուին։

Օրերով երկար ժամեր մթութեան մէջ մնալէն ետք, այսօր Հալէպի մէջ ելեկտրականութիւնը համեմատաբար երկար տրուած է: Պայթումներու ձայները կը շարունակուին լսուիլ: Մարդիկ կը փորձեն տաքնալ տարբեր միջոցներով՝ վառելանիւթը սուղ է եւ չի գտնուիր, հացն ալ արդէն «թանկ հաճոյք» է եւ դժուար գտանելի։

Քամիշլիի, Քեսապի մէջ նոյնպէս կենցաղային դժուարութիւններ կան: Դպրոցները կը գործեն: Հաց եւ վառելանիւթ կայ, բայց շատ սուղ է։
Դամասկոսի մէջ օդակայանի ճանապարհին օրեր շարունակ շարունակուող մարտերէն ետք իրավիճակը աւելի հանդարտ է: Կառավարական ուժերը մեծ վնասներ հասցուցած են զինեալներուն: Այնտեղ նոյնպէս հացի խնդիր կայ՝ քաղաքի բնակչութեան աճի պատճառով հացը չի բաւարարեր։

 

LEAVE A REPLY

Please enter your comment!
Please enter your name here