Դամասկոսի Ջարամանա Թաղամասին Մէջ Պայթումներ . Զոհեր Եւ Վիրաւորներ

0
138

Երկու պայթումներ  տեղի ունեցած են  Դամասկոսի հայաշատ Ջարամանա թաղամասին մէջ: Այս մասին «Արմենփրէս»-ին տեղեկացուցած է Դամասկոսի անոր  աղբիւրը` աւելցնելով, որ պայթուցիկ սարքաւորումները տեղադրուած են աղբամաններու մէջ: Նախնական տեղեկութիւններու համաձայն` մէկ մարդ զոհուած է, հինգ ուրիշներ՝  վիրաւորուած: Բարեբախտաբար  պայթումներուն տարողութիւնը եղած է փոքր: Տուժածներուն մէջ  չկան հայեր :

Հալէպահայերու ֆեյսպուքի էջը կը գրէ, որ Հալէպի մէջ իրավիճակը կը մնայ  անփոփոխ. օրուան մեծ մասը քաղաքը հոսանքազրկուած է, կարգ մը  թաղամասերու մէջ  գոյութիւն ունի ջուրի տագնապ: Բացի այդ,  հացի տագնապը կը մնայ անլուծելի եւ որոշ թաղամասերու մէջ կը շարունակուին բախումները:

Սուրիական ՍԱՆԱ գործակալութիւնը կը հաղորդէ, որ պայթումներ տեղի ունեցած են նաեւ Սուրիոյ Արդարադատութեան նախարարութեան շէնքին մօտ: Պայթուցիկ սարքերը ահաբեկիչները  տեղադրած են երկու ինքնաշարժներու  մէջ : Պատահած պայթումներու հետեւանքով  վիրաւորուած է քաղաքացի մը, վնասուած են մերձակայքը գտնուող ինքնաշարժները եւ խանութները:

Աղբիւրը նաեւ կը տեղեկացնէ, որ զինեալները Թուրքիոյ սահմանակից Հասաքէ շրջանի գիւղերէն  31 հազար թոն հացահատիկ գողցած են:

Սուրիոյ մօտ 21 ամիս շարունակուող բախումներու հետեւանքով զոհուած է մօտաւորապէս 40 հազար մարդ:

LEAVE A REPLY

Please enter your comment!
Please enter your name here