Ըստ Մամետիարովի՝ Արցախեան Հակամարտութիւնը Սառեցուած Չէ

0
149

 Ատրպէյճանի արտաքին գործոց նախարար Էլմար Մամետիարով ընդունած է Զուիցերիոյ համադաշնութեան պետական քարտուղար եւ արտաքին գործոց փոխնախարար Իվ Ռոսերի գլխաւորած պատուիրակութիւնը՝ քննելով երկկողմանի յարաբերութիւնները սերտացնելու կարելիութիւնները:
Նախարար Մամետիարով հիւրերուն տեղեկութիւններ փոխանցած է տարածաշրջանին մէջ իրականացուող ուժանիւթային շարք մը նախագիծերու մասին եւ ընդգծած է Պաքուի դերակատարութեան կարեւորութիւնը, Եւրոպայի ուժանիւթ ապահովելու գործին մէջ:
Ան նաեւ տեղեկութիւններ փոխանցած է ղարաբաղեան հակամարտութեան մասին՝ պնդելով, թէ «Ատրպէյճանէն բռնագրաւուած» այս տարածքին մէջ ներկայ իրադրութիւնը պէտք է փոփոխութեան ենթարկուի:
«Հակամարտութեան կարգաւորման համար, նախ Հայաստանի զինուած ուժերը պէտք է հեռանան բռնագրաւեալ ատրպէյճանական տարածքներէն, որմէ ետք լայն հնարաւորութիւններ պիտի բացուին հակամարտութեան կարգաւորման համար: Ղարաբաղեան հակամարտութիւնը սառեցուած չէ եւ խաղաղութեան հաստատման համար անհրաժեշտ է լուրջ աշխատանք կատարել տարածաշրջանին մէջ», աւելցուցած է նախարարը:

LEAVE A REPLY

Please enter your comment!
Please enter your name here