Հայաստանի Կառավարութեան Եւ IBM Ընկերութեան Միջեւ Համագործակցութեան Պայմանաւորուածութիւն

0
144

 Օրերս  Միացեալ Նահանցներ  գտնուող Հայաստանի վարչապետ Տիգրան Սարգսեանի գլխաւորած պատուիրակութիւնը այցելած է Սիլիքոնեան հովիտին մէջ գտնուող IBM ընկերութեան կեդրոնակայանը: IBM ընկերութեան հետ պայմանաւորուածութիւն ձեռք բերուած է ստեղծելու համատեղ աշխատանքային խումբ, որ կ’ուսումնասիրէ երկկողմ համագործակցութեան հնարաւորութիւնները, ներուժն ու հեռանկարները:

Կառավարութեան մամուլի ծառայութիւնը կը յայտնէ, որ ընկերութեան ներկայացուցիչները պիտի այցելեն Հայաստան եւ պիտի ծանօթանան տնտեսական գիտարուեստին (ՏՏ)մէջ գործող ընկերութիւններուն, հիմնական գիտութեամբ զբաղող հաստատութիւններու գործունէութեան:

Աշխատանքային խումբը մինչեւ 2013 թուականի առաջին եռամսեակին աւարտը պիտի ներկայացնէ ուսումնասիրութեան արդիւնքները, որուն հիման վրայ ՀՀ կառավարութեան եւ IBM ընկերութեան միջեւ պիտի կնքուի համաձայնագիր` յետագայ համատեղ ծրագիրի իրականացման մասին:

IBM ընկերութիւնը աշխարհի առաջատարն է գիւտերու արտօնագրման սանդղակին մէջ ոչ միայն ՏՏ ոլորտին, այլեւ հիմնական գիտութեան տարբեր բնագաւառներու մէջ:

 

LEAVE A REPLY

Please enter your comment!
Please enter your name here