Նախագահ Սարգսեան Ներկայ Գտնուած Է «Երբ Գիրքը Կը Գտնէ Նկարիչը» Խորագիրով Ցացահանդէսին

0
131

ՀՀ Նախագահ Սերժ Սարգսեան Դեկտեմբեր 12-ին Յովհաննէս Թումանեանի թանգարանին մէջ ներկայ գտնուած է «Երբ գիրքը կը գտնէ նկարիչը« խորագիրով ցուցահանդէսի բացումին, որ կ’եզրափակէ անցեալ տարեվերջին մեկնարկած հայ գրատպութեան 500-ամեակի յոբելեանական միջոցառումները:

Ցուցահանդէսը նուիրուած է հայ ընթերցանութեան պատմութեան եւ գիրքի գեղարուեստական ձեւաւորման տարբեր փուլերուն` սկսած 19-րդ դարու վերջաւորութենէն մինչեւ 20-րդ դարու 70-ականները:

Հանրապետութեան նախագահը ծանօթացած է  հայաստանեան հինգ մշակութային կառոյցներու` Յովհ. Թումանեանի թանգարանի, Հայաստանի ազգային պատկերասրահի, Չարենցի տուն-թանգարանի, Հայաստանի ազգային գրադարանի եւ Չարենցի անուան գրականութեան եւ արուեստի թանգարանի համատեղ նախագիծի ծիրէն ներս կազմակերպուած միջոցառման ցուցադրութեան:

Սերժ Սարգսեան մեծանուն գրողի թանգարանին մէջ ծանօթացած է նաեւ Յովհաննէս Թումանեանի կեանքին ու գործունէութեան վերաբերող ցուցանմուշներուն եւ անոնց պատշաճ պահպանման ու ներկայացման համար վերջին շրջանին իրականացուած աշխատանքներուն:

 

LEAVE A REPLY

Please enter your comment!
Please enter your name here