Նամականիշ` Նուիրուած «Հայաստան» Համահայկական Հիմնադրամի 20-ամեակին

0
141

Այսօր տեղի ունեցաւ «Հայաստան» համահայկական հիմնադրամի ստեղծման 20-ամեակին նուիրուած նամականիշի մարման պաշտօնական արարողութիւնը:Այս մասին կը հաղորդէ panorama.am-ը՝ վկայակոչելով «Հայփոստ» ընկերութեան մամուլի ծառայութիւնը: Նամականիշը թողարկած են Փոխարդամիջոցներու եւ կապի նախարարութեան աշխատակազմի ղեկավար Գագիկ Գրիգորեան, «Հայաստան» համահայկական հիմնադրամի տնօրէն Արա Վարդանեան, «Հայփոստ թրասթ մանէյճմընթ»-ի կառավարող տնօրէն Խուան Փապօ Գեչիճեան եւ «Հայփոստ» ՓԲԸ տնօրէնի պաշտօնակատար Հայկ Աւագեան:

Նամականիշի վրայ պատկերուած է «Հայաստան» համահայկական հիմնադրամի 20-ամեակի լոկոն, իսկ յաւերժութեան նշան կազմող օղակին մէջ նշուած են այն պետութիւնները, ուր կը գտնուին «Հայաստան» համահայկական հիմնադրամի ներկայացուցչութիւնները, եւ Հայաստանի Հանրապետութեան պետական դրօշը` հայելաձեւ արտայայտմամբ (հիմնադրամի լոկոն):

Խորապատկերին վրայ ներկայացուած է աշխարհի քարտէսը, որ կը խորհրդանշէ կապը ամբողջ աշխարհով սփռուած հայութեան եւ «Հայաստան» համահայկական հիմնադրամի միջեւ: Գոյներու երանգները կ’արտայայտեն Հայաստանի Հանրապետութեան պետական դրօշը:

Այս տարի «Հայփոստ»-ը սկսած է հայկական այբուբենի տառերը պատկերող նոյնատիպ թողարկումներու նոր շարք` նուիրուած Հայ Գրատպութեան 500-ամեակին եւ առաջին անգամ շրջանառութեան մէջ դրաւ նոր փոսթային վճարման միջոց` նամականիշով ծրար: 2012-ի ընթացքին «Հայփոստ»-ը նաեւ թողարկած է նամականիշներ` նուիրուած Տ.Չուխաջեանի ծնդեան 175-ամեակին, Լ. Զաքարեանի ծննդեան 75-ամեակին, Պ. Պռոշեանի ծննդեան 175-ամեակին:

Մօտ օրերս պիտի թողարկուին նամականիշներ` նուիրուած Սայաթ Նովայի ծննդեան 300-ամեակին, Հայաստանը Շախմատի աշխարհի ախոյեան եւ Ողիմպիական ախոյեան դառնալուն առթիւ, ինչպէս նաեւ` նամականիշներով գիրք:

 

LEAVE A REPLY

Please enter your comment!
Please enter your name here