Սուրիոյ Ընդդիմութիւնը Ճանչնալուն Համար` Ռուսիա Պարզաբանում Կը Պահանջէ Ուաշինկթընէն

0
152

ԱՄՆ-ի կողմէ Սուրիոյ ընդդիմադիր եւ յեղափոխական ուժերու ազգային խմբաւորման ճանաչումը կը հակասէ այն համաձայնութեան, որ ձեռք բերուած է Ժընեւի մէջ: Այս մասին, ըստ արաբական լրատուամիջոցներու, Դեկտեմբեր 12-ին Սլովաքիոյ իր գործընկերոջ հետ մամուլի ասուլիսի ժամանակ յայտարարած է Ռուսաստանի Դաշնութեան արտաքին գործոց նախարար Սերկէյ Լաւրովը: 

Լաւրով զարմացած է ԱՄՆ-ի նման որոշումէն, ան նաեւ աւելցուցած է, որ ԱՄՆ նման քայլով խաղադրոյք կատարած է Սուրիոյ ընդդիմութեան յաղթանակին վրայ: Ռուսիոյ արտաքին գործոց նախարարը հաստատած է, որ ԱՄՆ-էն պարզաբանում պիտի պահանջէ նման քայլ կատարելուն համար:

Լաւրովի խօսքով` վերջերս Ժընեւի մէջ կայացած հանդիպման ժամանակ բոլորը հասկցած են, որ ԱՄՆ եւս կը հասկնայ Սուրիոյ կառավարութեան հետ երկխօսութիւն սկսելու անհրաժեշտութիւնը:

 

 

LEAVE A REPLY

Please enter your comment!
Please enter your name here