Ըստ Մամետիարովի՝ Փարիզի Մէջ Պիտի Քննուին Արցախի Տագնապի Լուծման Նոր Գաղափարներ

0
144

 Ատրպէյճանի եւ Հայաստանի արտաքին գործոց նախարարներու հերթական հանդիպումը պիտի կայանայ յաջորդ տարուան Յունուար ամսուան  վերջաւորութեան, Փարիզի մէջ, ներկայութեամբ ԵԱՀԿ-ի Մինսքի խմբակի համանախագահներուն:
Այս հանդիպման մասին լրագրողներու հարցումներուն պատասխանելով՝ Ատրպէյճանի արտաքին գործոց նախարար Էլմար Մամետիարով յայտարարեց, թէ հաւանաբար Յունուարի վերջին շաբաթը կայանալիք Փարիզի հանդիպման ընթացքին պիտի քննուին Արցախի տագնապին խաղաղ լուծում մը գտնելու նոր գաղափարներ, որոնք Տապլինի հանդիպման ներկայացուցած էին համանախագահներուն կողմէ:
Մամետիարով աւելցուցած է, թէ վերջին 6-7 տարիներու ընթացքին, առաջին անգամն ըլլալով, համանախագահներուն եւ երկու երկիրներու արտաքին գործոց նախարարներուն միջեւ հանդիպումէ մը ետք համատեղ յայտարարութիւն չէ կատարուած, ինչպէս եղաւ Տապլինի խորհրդակցութիւններէն ետք:
«Փետրուարին Հայաստանի մէջ նախագահական ընտրութիւններ պիտի կայանան: Հաւանաբար, Հայաստանի ապակառուցողական կեցուածքը այդ իրողութեան կապուած է», աւելցուց ան:

LEAVE A REPLY

Please enter your comment!
Please enter your name here