Հայաստանի Մէջ 12.12.12-ին Ծնած Է 104 Երեխայ

0
128

  Հայաստանի Հանրապետութեան ծննդատուներուն մէջ 12.12.12-ին ծնած է 104 երեխայ:

Այս մասին կը հաղորդէ «Արմենփրէս»-ը՝ վկայակոչելով ՀՀ առողջապահութեան նախարարութեան կայքի հրապարակած պաշտօնական տուեալները: Ամենէն շատ ծնունդներ արձանագրուած են մայրաքաղաքին մէջ՝ 70,  իսկ մարզերէն առաջատարի դիրքը գրաւած է Արմաւիրիը, ուր Դեկտեմբեր 12-ին ծնած է 7 երեխայ: Սեզարեան հատումով Դեկտեմբեր 12-ին հանրապետութեան մէջ 47 ծննդաբերութիւն արձանագրուած է:

Նման թիւերու «շքերթ»-ը արդէն 12 տարի է` 01.01.2001-էն ի վեր, մոգական ազդեցութիւն կը ձգէ մարդոց վրայ: Իւրաքանչիւր տարի թիւերու նկատմամբ մարդոց ունեցած հաւատալիքները տարբեր են: 06.06.06-ի ժամանակ մարդիկ կը վախենային, որ պիտի ծնի հակաքրիստոսը, 07.07.07-ին կը սպասէին, որ կ’իրականանայ ինչ-որ անսպասելի երջանիկ իրադարձութիւն, 09.09.09-ը հաճելի փոփոխութիւններու յոյս կը ներշնչէր:
12.12.12-ով կ’աւարտի գեղեցիկ թիւերու շքերթը` գուշակութիւններ ընելու հնարաւորութիւնը ձգելով միւս հարիւրամեակին:

 

LEAVE A REPLY

Please enter your comment!
Please enter your name here