ՀՀ Վարչապետը Մեսաչուսեթսի Նահանգապետին Փոխանցած է Մխիթար Գօշի Մետալը

0
142

ՀՀ վարչապետ Տիգրան Սարգսեան այցելած  է ԱՄՆ Մեսաչուսեթսի նահանգապետ Տէւալ Փաթրիքին: Այս մասին կը յայտնեն ՀՀ կառավարութեան տեղեկատուութեան եւ հասարակայնութեան հետ կապերու վարչութենէն:

ՀՀ կառավարութեան ղեկավարը` ՀՀ նախագահ Սերժ Սարգսեանի անունով` Մեսաչուսեթսի նահանգապետին փոխանցած է Մխիթար Գօշի մետալը:

Վարչապետ Սարգսեան շնորհակալութիւն յայտնած է Փաթրիք Տէւալին Հայոց Մեծ Եղեռնի զոհերու յիշատակը յաւերժացնող յուշարձանի կառուցման գործին մէջ ցուցաբերած աջակցութեան համար:

Նահանգապետը ՀՀ վարչապետին խնդրած է իր երախտագիտութեան խօսքերը յայտնել ՀՀ նախագահին` շքանշանի համար:

Հանդիպման ընթացքին զրուցակիցները քննարկած են համագործակցութեան հեռանկարները: Մեսաչուսեթսի նահանգապետը բարձր գնահատած է հայ համայնքի դերն ու ներգրաւուածութիւնը նահանգի կեանքին մէջ:

Հանդիպումէն ետք Տիգրան Սարգսեան այցելած է Պոսթըն քաղաքի Հայկական ժառանգութեան պուրակը եւ ծաղիկներ զետեղած  Հայոց Ցեղասպանութեան անմեղ զոհերու յիշատակը յաւերժացնող յուշարձանին վրայ:

LEAVE A REPLY

Please enter your comment!
Please enter your name here