Երուսաղէմի Հայոց Պատրիարքութեան Առայժմ Կայ Չորս Թեկնածու

0
139

Երուսաղէմի հայոց պատրիարքի թեկնածու Տէր Բաբգէն ծայրագոյն վարդապետ Անոյշեան լրագրողներու հետ հանդիպման ժամանակ կարեւորած է  Հայաստանի դերը Երուսաղէմի պատրիարքի ընտրութեան հարցով՝ յատնելով, որ հայոց պատրիարքութեան համար  առայժմ կան   չորս թեկնածուներ:

Ըստ հայր Բաբգէնի` պատրիարք կրնան  նշանակուիլ 35 տարիքը ամբողջացուցած` վարդապետի, արքեպիսկոպոսի եւ եկեղեցական այլ բարձր կոչում ունեցող հոգեւորականներ, որոնք  պարտադիր է, որ  ըլլան Երուսաղէմի միաբանութեան անդամ:

Պատրիարք ընտրուելու պարագային Տէր Բաբգէնը առաջին հերթին ձեռնամուխ պիտի ըլլայ  երուսաղէմի պատրիարքարանի շէնքի,  դպրոցի եւ թանգարանի հիմնանորոգման, ինչպէս նաեւ  Սրբոց Յակոբեանց տաճարի նորոգման:

 

Երուսաղէմի հայոց պատրիարքը պիտի ընտրուի պատրիարքարանի մէջ Յունուար 23-25-ը: Պատրիարքի ընտրութիւնը կը կատարուի ժողովի միջոցով՝ գաղտնի փակ  քուէարկութեամբ:

 

LEAVE A REPLY

Please enter your comment!
Please enter your name here