Լոնտոնի Մրցաշարքին Արոնեան Շահեցաւ 11 Հազար Եուրօ

0
132

 Լոնտոնի մէջ կայացած ճատրակի ախոյեանական մրցումներուն Լեւոն Արոնեան իր կարողութիւններէն շատ աւելի ցած մակարդակով հանդէս եկաւ՝ 9 մասնակիցներուն մէջ գրաւելով 6-րդ դիրքը։

 Արոնեան այդ արդիւնքին համար պարգեւատրուեցաւ 10 հազար եուրոյով: Գլխաւոր մրցանակը՝ 50 հազար եուրօն, ստացաւ մրցաշարքի յաղթող Մակնուս Քարլսընը: 2-րդ դիրքը գրաւեց Վլատիմիր Քրամնիկը՝ 25 հազար եուրօ ստանալով, իսկ  Նակամուրան եւ Ատամսը ստացան 17.5 հազարական եուրօ:
Բացի հիմնական մրցանակային հիմնադրամէն, մրցաշարքին ընթացքին կար նաեւ յաւելեալ 21 հազար եուրօ արժող մրցանակային գումար, որ բաշխուեցաւ յաղթանակ տօնած ճատրակ խաղացողներուն միջեւ:

Նկատի ունենալով, որ մրցաշարքին ընթացքին 19 խաղ արդիւնաւէտ աւարտ ունեցաւ, ուստի իւրաքանչիւր յաղթանակի համար խաղացողները ստացած են 1105 եուրօ։ Արոնեան միայն մէկ յաղթանակ արձանագրած էր, ուստի ստացաւ յաւելեալ 1105 եուրօ։  Բացի նշուած գումարէն, իւրաքանչիւր խաղի համար 1000 եուրօ տրուեցաւ լաւագոյն խաղարկութեան համար։
Նշենք, որ Լեւոն Արոնեան, այսօր՝ Ուրբաթ   Դեկտեմբեր 14-ին Էլինա Դանիէլեանի հետ պիտի մասնակցի Չինաստանի մէջ տեղի ունենալիք  մտային խաղերու ճատրակի մրցաշարքին, որուն պիտի մասնակցին 16 ճատրակ խաղացողներ։

 

LEAVE A REPLY

Please enter your comment!
Please enter your name here