Միացեալ Նահանգներու Մէջ 4-օրեայ Սուգ

0
162

 Միացեալ Նահանգներու նախագահ Պարաք Օպամա 4-օրեայ սուգ յայտարարեց՝ Քոնեթիքըթ նահանգին մէջ տեղի ունեցած սարսափելի ոճրագործութեան համար:

 Միացեալ Նահանգներու եւ արտերկրի մօտ հաւատարմագրուած ամերիկեան բոլոր պետական հաստատութիւնները վար պիտի իջեցնեն իրենց դրօշները: Դեկտեմբեր 14-ին, 20-ամեայ երիտասարդ Ատամ Լանզան նահանգի Սենտի Հուք  նախակրթարանին մէջ սպաննեց  28 մարդ, որոնց 20-ը՝ դպրոցականներ: Նախագահ Օպամա ըսաւ. «Զոհուած երեխաները հինգէն տասը տարեկան էին: Ես ինքս հայր եմ եւ ինծի համար ծանր է այդ մասին լսելը: Մենք պէտք է ամէն ինչ ընենք, որպէսզի վերջ տանք դպրոցներու մէջ արիւնալի հրաձգութիւններուն»: Կը նշուի, որ ելոյթ ունենալու ժամանակ Օպամա չէ րկրցած զսպել յուզումը եւ արցունքները:

 24-ամեայ Ատամ Լանզան Սենտի Հուք մանկապարտէզի դաստիարակչուհիին որդին էր: Ան  մինչեւ մանկապարտէզ գալը` տան մէջ  սպաննած էր հայրը, այնուհետեւ մանկապարտէզի դպրոցականներուն  առջեւ սպաննեց  մայրը: Մայրը սպաննելէ ետք,  Ատամ  անկանոն կրակ բացաւ  դպրոցականներուն  ուղղութեամբ, որոնցմէ 18-ը տեղւոյն վրայ մահացան, երկուքը` հիւանդանոցի մէջ:

Դպրոցական նմանատիպ ոճրագործութիւն ԱՄՆ-ի մէջ տեղի ունեցած էր 2007-ին Վիրճինիա նահանգին մէջ, որուն հետեւանքով զոհուած էր 32 մարդ, մեծ մասը` դպրոցականներ:

 

LEAVE A REPLY

Please enter your comment!
Please enter your name here