Էտուարտ Նալպանտեան Մեկնած է Պրիւքսէլ՝ Ստորագրելու Եւրոմիութեան Մուտքի Անցագիրներու Դիւրացման Համաձայնագիրը

0
132

 Հայաստանի Հանրապետութէան արտաքին գործերու նախարար Էտուարտ Նալպանտեան մեկնած է Պրիւսքէլ՝ Դեկտեմբեր 17-ին Եւրոմիութեան հետ վիզային վարչաձեւի դիւրացման համաձայնագիրը ստորագրելու համար:Այս մասին կը յայտնէ Armenpress-ը։

Համաձայնագիրները վաւերացման փուլ կը մտնեն 2013-ի առաջին կիսուն: Մուտքի անցագիրներու  դիւրացման համաձայնագիրով ՀՀ քաղաքացիներու համար կը նախատեսուին Շէնկենեան գօտիի երկիրներ մուտքի վիզաներ ստանալու դիւրացուած ընթացակարգեր: ԵՄ երկիրներ պարզեցուած մուտք կը նախատեսուի շարք մը դասակարգերու ՀՀ քաղաքացիներու համար, մասնաւորապէս` պաշտօնական պատուիրակութեան անդամներու, գիտնականներու, ուսանողներու, լրագրողներու, մարմնամարզութեան եւ արուեստի գործիչներու, ԵՄ երկիրներու մէջ օրինական բնակութիւն ունեցողներու մերձաւոր ազգականներու, ԵՄ երկիրներու մէջ գործող հայկական սփիւռքի կառոյցներու կողմէ կազմակերպուող ձեռնարկներու մասնակիցներու, եւ այլոց համար: Կը նախատեսուի նաեւ նուազեցնել Շէնկենեան մուտքի արտօնագիրի գինը` դարձնելով 35 եւրօ, ինչպէս նաեւ զայն դարձնել անվճար շարք դասակարգերու քաղաքացիներու, ներառեալ` երեխաներու եւ թոշակառուներու համար:

ԵՄ-ի հետ մուտքի անցագիրներու  դիւրացման համաձայնագիրներու շուրջ բանակցութիւնները մեկնարկած էին Երեւանի մէջ,  2012-ի Փետրուարին:

 

 

LEAVE A REPLY

Please enter your comment!
Please enter your name here