Սուրիոյ Երկու Կողմերը Պէտք է Բռնութիւնը Դադրեցնեն եւ Միասնական Կառավարութիւն Ձեւաւորեն. Ֆարուք Ալ Շարէ

0
127

Սուրիոյ փոխնախագահ Ֆարուք Ալ Շարէ յայտարարած է, որ սուրիական հակամարտութեան կողմերէն ոեւէ մէկը ի վիճակի չէ յաղթանակ տանելու` ընդդիմութիւնը չի կրնար սուրիացի ժողովուրդի միակ օրինական ներկայացուցիչը ըլլալ եւ նոյնիսկ միաւորուելով` չի կրնար հակամարտութիւնը ռազմական ճանապարհներով լուծել: Այս մասին կը յայտնէ Լիբանանի  Ալ Ախպար  օրաթերթը։

Ալ Ախպար-ին տուած հարցազրոյցին մէջ, Շարէ յայտնած է, որ իրավիճակը օրէօր աւելի կը ծանրանայ եւ հակամարտութեան ռազմական ու քաղաքական լուծումը կը դժուարանայ եւ խօսքը ոչ թէ վարչաձեւի այս կամ այն անհատի կեանքին, այլ ամբողջական Սուրիոյ գոյութեան մասին է:

Շարէ կողմ արտայայտուած է երկու կողմերու բռնութեան դադրեցման եւ լայն լիազօրութիւններով օժտուած ազգային միասնութեան կառավարութիւն ստեղծելուն: Ըստ անոր` Սուրիայէն բացի, հակամարտութեան կարգաւորման կրնան ներգրաւուած ըլլալ տարածաշրջանի երկիրներն ու ՄԱԿ-ի անդամները:

 

LEAVE A REPLY

Please enter your comment!
Please enter your name here