Ամենայն Հայոց Կաթողիկոսը Ընդունած Է Ալէն Տելոնը

0
106

Դեկտեմբեր 18-ին,  Մայր Աթոռ Սուրբ Էջմիածնի մէջ Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսը ընդունած է ֆրանսացի աշխարհահռչակ դերասան Ալէն Տելոնը:

Մայր Աթոռի տեղեկատուական համակարգէն կը յայտնեն, թէ հանդիպումի ընթացքին Ամենայն Հայոց Կաթողիկոսը հիւրին ներկայացուցած է Հայաստանեայց Առաքելական Սուրբ  Եկեղեցւոյ եւ Մայր Աթոռի պատմական առաքելութիւնը հայ ժողովուրդի կեանքին մէջ, անդրադարձ կատարած է նաեւ հայ եւ ֆրանսացի ժողովուրդներու դարաւոր բարեկամութեան եւ անոր ամրապնդման գործին մէջ Ֆրանսայի հայ համայնքի կարեւոր դերակատարութեան:

Զրոյցի ընթացքին Նորին Սրբութիւնը, ընդգծելով, որ հայորդիները մշտապէս առանձնակի համակրանքով եւ սիրով դիտած են Ալէն Տելոնի շարժանկարները, իր գնահատանքը յայտնած է մարդկութեան մատուցած անոր  ծառայութիւններուն համար:

Հանդիպման աւարտէն ետք մեծանուն դերասանը այցելած է Մայր Աթոռի թանգարանները եւ ծանօթացած հայ ժողովուրդի ազգային-հոգեւոր գանձերուն:

 

LEAVE A REPLY

Please enter your comment!
Please enter your name here