Ըստ «Թարաֆ»ի Լրագրողին՝ Անգարա Պիտի Պարտադրուի Հաշիւ Տալու Ցեղասպանութեան Համար

0
143

Թրքական «Թարաֆ» թերթի սիւնակագիր Ռոնի Մարկուլիս, Տիարպեքիր կամ հայկական Տիգրանակերտ քաղաքը կատարած այցելութենէ մը ետք, Երկուշաբթի, Դեկտեմբեր 17-ին, «Թուիթըր»ի իր էջին վրայ գրած է, թէ թրքական իշխանութիւնները պիտի պարտադրուին հաշիւ տալու Հայկական Ցեղասպանութեան, բռնի տեղահանումներուն եւ այլ տառապանքներու համար:
Մարկուլիս նշած է, թէ 1890-ին Տիարպեքիրի 30,000 բնակիչներէն տասը հազարը հայ էր, տասը հազարը՝ իսլամ, իսկ մնացեալը՝ ոչ հայ քրիստոնեաներ ու հրեաներ: Ան հարց կու տայ, թէ ինչե՞ր տեղի ունեցած են, որ այժմ ամբողջ քաղաքին բնակչութիւնը իսլամացած է:
«Ամէն անգամ Տիարպեքիր այցելելու ընթացքին կը մտածեմ, թէ ո՞վ պատասխան պիտի տայ այս 100 տարիներուն համար: Պիտի ստիպենք Թրքական իշխանութիւնը հաշիւ տալու Ցեղասպանութեան, բռնի տեղահանութեան, ցաւերու եւ տառապանքներու համար», ընդգծած է ան:

 

LEAVE A REPLY

Please enter your comment!
Please enter your name here