Շառլ Ազնաւուր Չինաստանի Հայերը Յորդորած է Երբեք Չկտրուիլ Իրենց Արմատներէն

0
145

 Չինաստանի մօտ Հայաստանի դեսպանատան մէջ կազմակերպուած է,   ֆրանքոֆոնիայի  ֆրանսերէն լեզուի տարուան նուիրուած փակման   հանդիսութիւններու  ծիրէն ներս՝  Փեքին ժամանած հայազգի մեծանուն երգիչ Շառլ Ազնաւուրի հանդիպումը Փեքին բնակող հայութեան հետ: Այս մասին կը հաղորդէ Հայաստանի արտաքին գործոց  նախարարութեան մամլոյ գրասենեակը:

Շուրջ 60 հայերու հետ  սոյն հանդիմպան  նաեւ  ներկայ  գտնուած են «Համաշխարհային Մտաւոր Խաղեր»-ուն մասնակցելու նպատակով Չինաստան գտնուող անուանի հայ շախմատիստներ Լեւոն Արոնեանը եւ Էլինա Դանիէլեանը: Ողջունելով ներկաները՝ Չինաստանի մօտ ՀՀ դեսպան Արմէն Սարգսեան Ազնաւուրին պատմած է Փեքինի մէջ բնակող փոքրաթիւ հայ համայնքին մասին, որմէ ետք ներկաները բազմաթիւ հարցեր  ուղղած են իրենց մեծանուն հայրենակցին:

Ջերմ մթնոլորտի մէջ տեղի ունեցած հանդիպման ընթացքին Շառլ Ազնաւուր ներկայացուցած է իր կեանքէն որոշ դրուագներ եւ պատմած տարբեր ժամանակներու մէջ յայտնի մարդոց հետ ունեցած հանդիպումներու մասին: Կարեւորելով հայապահպանման խնդիրները` ան յորդորած է երիտասարդները երբեք չկտրուիլ իրենց արմատներէն: «Ատիկա ուժ եւ կորով կու տայ աշխարհի տարբեր երկիրներու մէջ յայտնուած հայերուն` դիմագրաւելու որեւէ դժուարութիւն», – ըսած է Շառլ Ազնաւուր:

LEAVE A REPLY

Please enter your comment!
Please enter your name here