Քաղաքագէտները ԵՄ-ի Հետ Մուտքի Արտօնագրի Դիւրացումը Հայաստանի Համար Դրական Կը Համարեն

0
160

Եւրոմիութեան հետ մուտքի արտօնագրի դիւրացման համաձայնագիրը պիտի դիւրացնէ միջանձնային շփումները եւ մեծ նպաստ պիտի բերէ եւրոընդելուզման գործընթացին ու անոր իրական դրսեւորումներուն: Այս մասին` Armenpress.am-ի տեղեկութիւններով` ընդգծած է քաղաքագէտ Կարէն Պեքարեան:

Անոր խօսքով` արգիլուած պտուղը աւելի քաղցր կը թուի եւ շատ պարագաներու կ’ունենայ հակառակ ազդեցութիւն: “Եթէ մարդ ունենում է հնարաւորութիւն, այլ ոչ տեխնիկական արգելքներ` գնալու, իր աչքով տեսնելու եւ հասկանալու, ապա նա շատ աւելի է արժեւորում իր ունեցածը` երկիրը, աշխատատեղը, ընտանիքը, արժէքներն ու աւանդոյթները, քան այն պարագայում, երբ նրա մօտ ինչ-որ բան արհեստականօրէն փակւում եւ դառնում է արգելուած պտուղի խնդիր”,- ընդգծած է Պեքարեան:

Քաղաքագէտ Հրանդ Մելիք-Շահնազարեան միայն դրականը կը փորձէ տեսնել համաձայնագրի ստորագրման մէջ, մասնաւորապէս` գործարար որորտի զարգացման եւ կրթական համակարգի աւելի բարելաւման հետ կապուած: “Եթէ մասնագէտների փորձի փոխանակման, վերապատրաստման հնարաւորութիւնը դիւրացւում է, ապա դա առաջին հերթին կը ծառայեցուի մէր քաղաքացիներին”,- ըսած է քաղաքագէտը:

Անդրադառնալով մուտքի արտօնագրի դիւրացման հնարաւոր ազդեցութեան արտագաղթի աճին վրայ` քաղաքագէտը համոզմունք յայտնած է, որ մուտքի արտօնագրման դիւրացումը չէ, որ պէտք է կանխէ կամ խանգարէ արտագաղթի ընթացքը: “Այդ հարցը լուծելու համար պէտք է աշխատանքները հէնց երկրի ներսում իրականացուեն, եւ այդ համաձայնագիրը գլոբալ առումով չի ազդի արտագաղթի տեմպերի վրայ”,- ըսած է Մելիք-Շահնազարեան:

Եւրոմիութիւնն ու Հայաստանը Դեկտեմբեր 17-ին Պրիւքսէլի մէջ ստորագրած են մուտքի արտօնագրերու դիւրացման համաձայնագիրը: Համաձայնագրով ՀՀ քաղաքացիներու համար կը նախատեսուին Շէնկենեան գօտիի երկիրներ մուտքի արտօնագրեր ստանալու դիւրացուած ընթացակարգեր: ԵՄ երկիրներ պարզեցուած մուտք կը նախատեսուի պաշտօնական պատուիրակութեան անդամներու, գիտնականներու, ուսանողներու, լրագրողներու, սփորթի եւ արուեստի գործիչներու եւ այլոց համար:

Կը նախատեսուի նաեւ նուազեցնել Շէնկենեան մուտքի արտօնագրի գինը` դարձնելով 35 եուրօ, ինչպէս նաեւ զայն դարձնել անվճար շարք մը հատուածի քաղաքացիներու, ներառեալ` երեխաներու եւ թոշակառուներու համար:

LEAVE A REPLY

Please enter your comment!
Please enter your name here