Դամասկոսի Եարմուք Գաղթակայանին Մէջ ծանր բախումներ Տեղի Կ’ունենան- Հալէպի Վիճակը Բարդ Է

0
139

 Սուրիոյ մայրաքաղաք Դամասկոսի մէջ իրավիճակը լարուած է, յատկապէս պաղեստինեան  Եարմուք գաղթակայանին  մէջ: Բանակը պաշարած է գաղթակայանը, եւ սկսած  է  ռմբակոծել արմատականներուն գրաւած դիրքերը:  Եարմուքի բնակիչները ամբողջութեամբ արդէն դուրս եկած են գաղթակայանէն:

Ինչպէս ծանօթ է,  բնակիչներու մեծամասնութիւնը պաղեստինցի գաղթականներ եւ սուրիացիներ են: Հայեր չկան: Ներխուժելով Եարմուք`զինեալները հսկողութիւն սահմանած են այնտեղ եւ կը փորձեն մօտենալ նախագահական պալատին: Կը սպասուին ծանր բախումներ արմատական  իսլամիստներու եւ կառավարական ուժերու միջեւ:

Հալէպի մէջ տիրող իրավիճակին մասին, Բերիոյ թեմի ազգային առաջնորդարանի մամլոյ  քարտուղար Ժիրայր Ռեյիսեան տեղեկացուցած է, որ օրուան ընթացքին ընդհատումներով ելեկտրականութիւն կը բաշխուի, եւ  որոշակի յոյս կը ներշնչէ մարդոց: Ռէյիսեանի խօսքով` պետութիւնը կը փորձէ լուծել նաեւ հացի խնդիրը, թէեւ 5-6 միլիոն բնակչութիւն ունեցող Հալէպը  բաւական  ծանր պայմաններու   մէջ կը գտնուի  ներկայիս: Ռէյիսեան նաեւ նշած է, որ պիւթակազ չկայ՝ անգամ հասարակ կերակուր պատրաստելու համար:

LEAVE A REPLY

Please enter your comment!
Please enter your name here