Նորոգութեան Նոր Աշխատանքներ Աղթամարի Մէջ

0
165

Թրքական «Աքշամ» թերթը Երեքշաբթի, Դեկտեմբեր 18-ին կը հաղորդէ, որ Վանի Աղթամար կղզիի Ս. Խաչ եկեղեցւոյ վերանորոգման  երկրորդ հանգրուանը պիտի սկսի յառաջիկայ Ապրիլին։

Վերանորոգութեան աշխատանքը պիտի տեւէ վեց ամիս, որուն ընթացքին յատուկ ծեփերով ու աղիւսով պիտի ամրապնդուին վանքի ու մատուռի այն բաժինները, որոնք երեւան հանուեցան նախորդ պեղումներուն ընթացքին։ Նորոգութեան աշխատանքը պիտի արժէ մօտաւորապէս 1.2 միլիոն լիրա (մօտաւորապէս 670,000 տոլար)։ Նորոգութենէն ետք կղզիին չորս կողմը պիտի զետեղուին ապահովութեան համար տեսախցիկներ։
Թերթը կը յիշեցնէ, որ Աղթամարը (անշուշտ՝ գործածելով Ագտամար անունը) մասնաւոր կարեւորութիւն կը ներկայացնէ հայերուն համար, եւ որ եկեղեցին, վերանորոգուելէ ետք, իբրեւ թանգարան բացուեցաւ Մարտ 29, 2007-ին եւ ապա արտօնուեցաւ, որ հայերը տարին մէկ անգամ արարողութիւն կատարեն հոն:
Յիշեցնենք, որ առաջին պատարագը մատուցուեցաւ Սեպտեմբեր 19, 2010-ին։

 

LEAVE A REPLY

Please enter your comment!
Please enter your name here