Քրեմլինի Մէջ ՀՀ Նախագահի Մասնակցութեամբ Սկսաւ ՀԱՊԿ Հաւաքական Անվտանգութեան Խորհուրդի Նստաշրջանը

0
163

Քրեմլինի մէջ  սկսաւ Հաւաքական Անվտանգութեան Պայմանագրի Կազմակերպութեան Հաւաքական անվտանգութեան խորհուրդի նստաշրջանը: «Արմենփրէս»-ի հաղորդմամբ` հանդիպումին կը մասնակցին Հայաստանի նախագահ Սերժ Սարգսեան, Պելառուսի նախագահ Ալեքսանդր Լուքաշենքօ, Ղազախիստանի նախագահ Նուրսուլթան Նազարպաեւ (2012 թուականին ՀԱՊԿ-ի ՀԱԽ-ի նախագահ), Խրխզիստանի նախագահ Ալմազբեկ Աթամպաեւ, Ռուսիոյ նախագահ Վլատիմիր Փութին, Տաճիկստանի նախագահ Էմոմալի Ռահմոն, ինչպէս նաեւ կազմակերպութեան գլխաւոր քարտուղար Նիքոլայ Պորտիւժա:

ՀԱԽ-ի նիստը կ’ընթանայ նեղ կազմով, յետագային երկիրներու ղեկավարներուն պիտի միանան նաեւ անոնց պատուիրակութիւնները, մասնաւորապէս արտաքին գործոց եւ պաշտպանութեան նախարարները եւ ազգային անվտանգութեան խորհուրդներու քարտուղարները:

Հանդիպման օրակարգին վրայ են՝ միջազգային իրադրութեան զարգացման միտումներն ու հաւաքական անվտանգութեան համակարգի կատարելագործմանն ուղղուած միջոցառումները, մինչեւ 2020 թուականը ՀԱՊԿ-ի ռազմական բաղադրիչի զարգացումը, արտակարգ իրավիճակներու խմբային հակազդման համակարգի զարգացման հիմնական ուղղութիւնները, մինչեւ 2015 թուականը միջնաժամկէտ հեռանկարին մէջ Աֆղանիստանի իրադրութեան զարգացման կանխատեսումը: Պիտի քննարկուի նաեւ ՀԱՊԿ-ի գործունէութեան մասնակցութեան կասեցման մասին Ուզպեքիստանի Հանրապետութեան դիմումը: ՀԱՊԿ-ի քարտուղարութիւնը Ուզպեքական կողմէ համապատասխան դիմումնագիր ստացած է այս տարուան Յունիսին:

 

LEAVE A REPLY

Please enter your comment!
Please enter your name here