Երեւանի Քաղաքապետը Վառեց Գլխաւոր Տօնածառի Լոյսերը

0
95

Երեւանի քաղաքապետ Տարօն Մարգարեան հանդիսաւոր պայմաններու մէջ վառեց Հանրապետութեան հրապարակին տեղակայուած գլխաւոր տօնածառին լոյսերը, որուն յաջորդեց շքեղ հրավառութիւն: 

Ամանորի տօներուն Երեւանի տարբերանշանը պիտի ըլլայ ոսկեգոյն երանգներով հրեշտակը: Հանրապետութեան հրապարակին տեղակայաւած գլխաւոր տօնածառի բարձրութիւնը 32 մեթր է: Անոր զարդարման համար օգտագործուած է 6000 ճիւղ եւ աւելի քան 50.000  լուսատիոտային սարք: Ընդհանուր լուսատիոտային լարերու երկարութիւնը կ’անցնի 17 քմ-ը: Ձեւաւորման համար օգտագործուած են 700 թարթող լոյս, 70 աստղ:

Ամանորեայ հանդիսութիւններու համար Երեւանի քաղաքապետարանի պիւտճէէն տրամադրուած է 14 միլիոն դրամ: Դեկտեմբեր 31-ին ժամը 22.00-ին պիտի մեկնարկէ տօնական համերգը, որ պիտի տեւէ մինչեւ գիշերուան ժամը 2: Այս առիթով պիտի աշխատին երթուղային մեքենաները եւ գետնուղին: Ժամը 24:00-ին ըլլայ մեծ հրավառութիւն:

 

LEAVE A REPLY

Please enter your comment!
Please enter your name here