Մոսկուայի Մէջ՝ Սարգսեան-Փութին Հանդիպում

0
219

Հաւաքական Անվտանգութեան Պայմանագիրի Կազմակերպութեան (ՀԱՊԿ) գագաթնաժողովի աւարտին, Մոսկուայի մէջ Հայաստանի նախագահ Սերժ Սարգսեան հանդիպում մը ունեցաւ  Ռուսիոյ նախագահ Վլատիմիր Փութինի հետ։
Միւս կողմէ, ՀԱՊԿ անդամ պետութիւններու ղեկավարներու սեղմ, ապա պատուիրակութիւններու անդամներու մասնակցութեամբ ընդլայնուած կազմով հանդիպումներուն ընթացքին ՀԱՊԿ գլխաւոր քարտուղար Նիկոլա Պորտիւժան անդրադարձած է ՀԱՊԿ-ի գործունէութեան եւ ստորագրման առաջարկուող փաստաթուղթերուն։ Ապա նիստին մասնակիցները՝ ի շարս օրակարգային այլ հարցերու, քննարկած են միջազգային իրավիճակի միտումները, հաւաքական անվտանգութեան համակարգի կատարելագործման նպատակով ի գործ դրուած միջոցները, մինչեւ 2020 ՀԱՊԿ-ի ռազմական բաղադրիչի զարգացման, արտակարգ իրավիճակներու մէջ հաւաքական արձագանգման համակարգի կատարելագործման հիմնական ուղղութիւններուն վերաբերող հարցեր։

 

LEAVE A REPLY

Please enter your comment!
Please enter your name here