Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ՀԱՆԴԻՊԵՑԱՒ ԵՈՒՀԱՆՆԱ Ժ. ԵԱԶԻԺԻ ՊԱՏՐԻԱՐՔԻՆ

0
127

Չորեքշաբթի 19 Դեկտեմբեր 2012-ի երեկոյեան, Վեհափառ Հայրապետը այցելեց Անտիոքի յոյն ուղղափառ եկեղեցւոյ նորընտիր Եուհաննա Ժ. Եազիժի Պատրիարքին Պալամանտի վանքին մէջ եւ շնորհաւորեց անոր ընտրութիւնը:

Վեհափառը յայտնեց, որ յատուկ բարեկամական կապեր ու սերտ գործակցութիւն գոյութիւն ունեցած է Մեծի Տանն Կիլիկիոյ Կաթողիկոսութեան եւ Անտիոքի յոյն ուղղափառ եկեղեցւոյ միջեւ եւ յոյս յայտնեց, որ նորընտիր Պատրիարքի օրով վերանորոգ թափով շարունակուի այդ գործակցութիւնը: Վեհափառ Հայրապետը նաեւ յիշեցուց, թէ որեւէ ժամանակէ աւելի Միջին Արեւելքի ներկայ պայմաններուն դիմաց քրիստոնեայ համայնքներ կոչուած են աւելի խորացնելու իրենց գործակցութիւնը:

Նորընտիր Պատրիարքը իր կարգին յայտնեց, որ ամողջութեամբ կը բաժնէ Վեհափառ Հայրապետին մօտեցումները եւ ինք ու իր եկեղեցին յանձնառու կը մնան բոլոր եկեղեցիներուն հետ գործակցելու` ի խնդիր քրիստոնէական ներկայութեան ու վկայութեան աւելի հզօրացման:

 

LEAVE A REPLY

Please enter your comment!
Please enter your name here