ՍՈՒՐԻՈՅ ՏԱԳՆԱՊԸ ՀԱՄԱՅՆՔԱՅԻՆ ԲԱԽՈՒՄՆԵՐՈՒ ՎԵՐԱԾԵԼՈՒ ՓՈՐՁԵՐ

0
144

 Սուրիոյ մէջ շարունակուող պատերազմը բաժնուած է կրօնական տարբեր խումբերու միջեւ պայքարի, ուր աւելի ու աւելի կը զօրանայ մեծամասնութիւն կազմող սիւննիներու պայքարը՝ ղեկավարող Ալաուիական համայնքին դէմ: Այս մասին նշուած է ՄԱԿ-ի մարդու իրաւունքներու հարցերով փորձագէտներու հրապարակած զեկոյցին մէջ, որ կ’ընդգրկէ Սեպտեմբեր 28-Դեկտեմբեր 16 երկարող ժամանակահատուածը:

“Սուրիոյ կառավարական ուժերը սկսած են աւելի շատ օդային ռմբակոծութիւններ իրականացնել, ինչպէս հրետանային ռմբակոծութիւններու կ’ենթարկուին հիւանդանոցները, եւ փաստերը թոյլ կու տան վկայելու, որ այդ յարձակումները անհամաչափ են”,- կը նշուի զեկոյցին մէջ:

ՄԱԿ-ի փորձագէտները նաեւ կը նշեն, որ Սուրիոյ մէջ գտնուող “օտարերկրեայ զինուած խմբաւորումներ”-ու անդամները, որոնք սիւննի իսլամներ են, Սուրիա ներթափանցած են Մերձաւոր Արեւելքէն կամ Հիւսիսային Ափրիկէէն` միանալու ապստամբ խմբաւորումներուն: Փաստեր կան նաեւ, որ այստեղ կը կռուին Իրաքէն եւ Իրանէն մեկնած շիիներ: Զարմանալիօրէն  ՄԱԿ-ը  չի դատապարտեր  առաքուող  զէնքը եւ վարձկաններու հոսքը՝  Սուրիա:

 

LEAVE A REPLY

Please enter your comment!
Please enter your name here