Սուրիոյ Կարգ մը Ընդդիմադիրներ Ողջունած Են Իրանի Ներկայացուցած Վեց Կէտանոց Առաջարկներու Փաթեթը

0
165

   Սուրիոյ նախագահ Պաշշար Ասատի որոշ ընդդիմադիր խումբեր ողջունած են Իրանի ներկայացուցած 6 կէտանոց առաջարկներու փաթեթը: Այդ մասին՝ ըստ panorama.am-ի՝ կը հաղորդէ իրանական «Թապնաք.իռ» կայքը:

Հաղորդագրութեան համաձայն` Սուրիոյ ազգային հաշտութեան հարցերով նախարար Ալի Հէյտարի եւս ողջունելով Իրանի ներկայացուցած առաջարկը: Ան նշած է, որ ատիկա միակ ճանապարհն է, որուն միջոցով Սուրիան դուրս կու գայ այս ճգնաժամէն:

Յիշեցնենք, որ Դեկտեմբեր 17-ին Իրան սուրիական ճգնաժամի յաղթահարման 6 կէտանոց առաջարկութեան փաթեթ ներկայացուցած է, ուր հակամարտող կողմերուն կ’առաջարկուի`

1. ՄԱԿ-ի վերահսկողութեան տակ անյապաղ դադրեցնել զինուած բախումները: Այդ փուլին Սուրիոյ կառավարութիւնը եւ ընդդիմադիր զինուած խմբաւորումները պէտք է բնակելի թաղամասերուն մէջ վերջ տան զինուած բախումներուն եւ երկրին մէջ կայունութիւն ապահովելու նպատակով պէտք է համագործակցին ՄԱԿ-ի ներկայացուցիչին հետ:
2. Զինուած բախումները դադրեցնելէն ետք պէտք է զինուած հակամարտութենէն տուժած բնակավայրերու բնակչութեան մարդասիրական օգնութիւն տրամադրել: Այդ առումով պէտք է չեղեալ յայտարարել Սուրիոյ նկատմամբ կիրառուած տնտեսական պատժամիջոցները:
3. Խաղաղութեան հաստատման զուգահեռ Սուրիոյ քաղաքական եւ հասարակական տարբեր խումբերու ներկայացուցիչներ ազգային համաձայնութեան շուրջ պէտք է բանակցութիւններ վարեն, այդ առնչութեամբ պէտք է ազգային համաձայնութեան կոմիտէ ստեղծուի: Բանակցութիւններու արդիւնքով պէտք է շօշափուի նաեւ անցումային կառավարութիւն ստեղծելու հարցը: Այդ կառավարութիւնը պէտք է ապահովէ խորհրդարանական ազատ եւ մրցակցային ընտրութիւններու կազմակերպումը:
4. Բոլոր այն քաղաքական գործիչները, որոնք ձերբակալուած են քաղաքական խաղաղ գործունէութեան համար, կառավարութիւնը պէտք է զանոնք ազատ արձակէ:
5. Պէտք է դադրի Սուրիոյ ներքին իրավիճակի մասին ոչ ճիշտ տեղեկատուութեան տարածումը: Լրատուամիջոցներու կողմէ տարածուող տեղեկատուութիւնը պէտք է արտայայտէ Սուրիոյ ժողովուրդի բոլոր հատուածներուն շահերը:
6. Պէտք է ստեղծուի խորհուրդ մը, որ կը զբաղի Սուրիոյ ենթակառուցուածքներու վերականգնման գործով:

 

 

LEAVE A REPLY

Please enter your comment!
Please enter your name here