Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ՀԱՅԱՍՏԱՆԻ ԴԵՍՊԱՆԸ

0
146

Երկուշաբթի 24 Դեկտեմբեր 2012-ի առաւօտուն, Վեհափառ Հայրապետը իր գրասենեակին մէջ ընդունեց Լիբանանի մօտ Հայաստանի դեսպան Աշոտ Քոչարեանը: Նոր Տարուան ու Աստուածայայտնութեան տօներուն նախօրեակին պարոն դեսպանը եկած էր շնորհաւորելու Վեհափառ Հայրապետը:

Հանդիպումը նաեւ առիթ մը եղաւ անդրադառնալու Հայաստանի Հանրապետութեան Վսեմաշուք Նախագահ Սերժ Սարգսեանին Լիբանան կատարած վերջին այցելութեան ու անոր դրական արդիւնքներուն: Վեհափառ Հայրապետը ողջունեց հետզհետէ ծաւալող Հայաստան-Սփիւռք գործակցութիւնը, մաղթելով, որ նոր տարին Հայաստանի, Ղարաբաղի եւ Սփիւռքի համար դառնայ մեր ազգին երազներու իրականացման ճամբուն վրայ նոր իրագործումներով լեցուն տարի մը:

LEAVE A REPLY

Please enter your comment!
Please enter your name here