Վերաբացուած Են Հալէպի Հայկական Դպրոցները. Ժիրայր Ռէյիսեան

0
118

Բերիոյ թեմի ազգային առաջնորդարանին պատկանող ազգային վարժարանները վերսկսած են դասընթացները: Այս մասին Armenpress-ին տեղեկացուց ազգային առաջնորդարանի բանբեր Ժիրայր Ռէյիսեանն` աւելցնելով, որ դպրոցները կեդրոնացած են մէկ շէնքի մէջ աւելի ապահով ըլլալու նպատակով: Դեկտեմբեր 25-ին մի քանի դպրոցներ նախապատրաստական աշխատանքներ տարած են, իսկ այսօր արդէն սկսած են դասընթացները: Դեռ տարեսկզբին Քարէն Եփփէ անուան ազգային ճեմարանը սկսած էր բարձր դասարաններու դասընթացները, եւ արդէն Դեկտեմբեր 26-ին մեկնարկած են նաեւ միւս դասարաններուն դասերը: Ընդհանուր առմամբ, Ռէյիսեանի տեղեկացմամբ, վերաբացուած են Քարէն Եփփէ, Սահակեան, Կիւլպենկեան, Զաւարեան եւ Հայկազեան դպրոցները:

Ինչ կը վերաբերի քաղաքի մէջ տիրող ընդհանուր վիճակին, Ռէյիսեան նշեց, որ կրակոցներու ձայներ կը լսուին, սակայն կեդրոնական թաղամասերուն մէջ աւելի հանգիստ է: Իսկ կենցաղային խնդիրները` հացի, ելեկտրականութեան, ջեռուցման, կը մնան անփոփոխ: Շատեր կը փորձեն ծառերը կտրել եւ իբրեւ վառելանիւթ օգտագործել բնակարանները տաքցնելու համար:

Տօներուն ընդառաջ պետութիւնը աւելի խստացուցած է քաղաքի հսկողութիւնը, որպէսզի միջադէպեր չգրանցուին: Ամանորի տօներուն վերաբերեալ Ռէյիսեան նշեց, որ հայկական համայնքի մէջ եկեղեցական արարողութիւն տեղի կ’ունենայ, սակայն տօնը ստեղծուած պայմաններուն մէջ նշելու հնարաւորութիւն չկայ:

Սուրիոյ մէջ շուրջ 21 ամիս շարունակուող բախումներուն հետեւանքով զոհուած է մօտաւորապէս 40 հազար մարդ, ներառեալ չորս տասնեակէ աւելի հայեր:

LEAVE A REPLY

Please enter your comment!
Please enter your name here