Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԱԶԳԱՅԻՆ ԾԵՐԱՆՈՑԻՆ ՄԷՋ

0
129

Չորեքշաբթի 26 Դեկտեմբեր 2012-ի առաւօտուն, Նոր Տարուան եւ Ս. Ծննդեան տօներու սեմին, Ն.Ս.Օ.Տ.Տ. Արամ Ա. Կաթողիկոս այցելեց Պուրճ Համուտի ազգային Ծերանոցը: Վեհափառ Հայրապետին ընկերակցող միաբան հայրերը իրենց շարականներով, երգերով ու արտասանութիւններով հոգեւոր ու ազգային ցնծութեան մթնոլորտ ստեղծեցին Ծերանոցէն ներս: Խօսք առնելով Ծերանոցի Տնօրէն Պատուելի Սեպուհ Թէրզեան ողջունեց Վեհափառ Հայրապետին այցելութիւնը, իր շնորհակալութինը յայտնելով որ Ազգային Ծերանոցը միշտ մօտ է եղած Վեհափառ Հայրապետի սրտին:

            Վեհափառ Հայրապետը իր հայրական խօսքը ուղղեց ներկաներուն: Բարձր գնահատեց տնօրէնութեան, պաշտօնէութեան, խնամակալութեան ու տիկնաց միութեան կատարած մարդասիրական, ընկերային ու ազգային ծառայութիւնը ու ըսաւ, թէ «Ազգային Ծերանոցը ազգին տունն է եւ այս տան մէջ ապրող մեր բոլոր հայրերն ու մայրերը ազգին սիրոյն ու խնամքին ենթակայ են»: Այս առիթով, Վեհափառ Հայրապետը նաեւ Մեծի Տանն Կիլիկիոյ Կաթողիկոսութեան կողմէ իր նուէրը փոխանցեց Ազգային Ծերանոցին:

 

LEAVE A REPLY

Please enter your comment!
Please enter your name here