Իրան Պիտի Չարտօնէ Սուրիոյ Վրայ Արտաքին Լուծումներու Պարտադրումը

0
128

 Իրանի արտաքին գործոց նախարար Ալի Աքպար Սալեհի յայտարարեց, որ «Թեհրան պիտի չարտօնէ Սուրիոյ վրայ արտաքին լուծումներու պարտադրումը »: Այս մասին կը հաղորդէ Իրանեան «Մեհր» լրատու գործակալութիւնը։Սալեհի յայտարարած է, ըսելով,- «Թող բոլորը իմանան, որ Իրան Սուրիոյ վրայ արտաքին լուծումներու պարտադրումը պիտի չարտօնէ»` աւելցնելով, որ «Վեց կէտերէ բաղկացած իրանեան նախաձեռնութիւնը սուրիական տագնապի միակ լուծումն է, եւ կը յուսանք, հակառակ դժուար կացութեան, այս տագնապին այդ նախաձեռնութեան հիմամբ լուծում մը տեսնել»:

Սալեհի ըսած է, որ «միջսուրիական երկխօսութիւնը Սուրիոյ տագնապին միակ լուծումն է»` նշելով, որ «սուրիական տագնապի ծուխը սուրիացի ժողովուրդին աչքերուն կը վնասէ, եւ ճակատիլ շարունակողները թող գիտնան, որ նոյնիսկ եթէ ենթադրաբար իշխանութեան հասնին, պիտի չկարենան իշխել արեան ծովու վրայ »:

 

LEAVE A REPLY

Please enter your comment!
Please enter your name here