«ԵԿԵՂԵՑՒՈՅ ԿՈՉՈՒՄԸ ԺՈՂՈՎՈՒՐԴԻՆ ՀԵՏ ԸԼԼԱԼՆ է» Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ

0
67

Նոր Տարուան ու Սուրբ Ծննդեան տօներու մթնոլորտին մէջ,  Ն.Ս.Օ.Տ.Տ. Արամ Ա. Կաթողիկոս դարձեալ եղաւ որբերուն, ծերերուն, հիւանդներուն, բանտարկեալներուն ու աշակերտներուն հետ: «Ժողովուրդին հետ ըլլալը, ժողովուրդի բոլոր խաւերուն մօտենալը, անոնց մտահոգութիւնները, կարիքները, սպասումները իմանալը եւ այս բոլորէն անդին` ծառայութեան ճամբով եկեղեցին ժողովուրդին տանիլը հարազատ էութիւնը ու կոչումը կը կազմեն եկեղեցւոյ», ըսաւ Վեհափառ Հայրապետը Ազունիէի հիւանդանոց իր այցելութեան ընթացքին:

Արդարեւ, Վեհափառ Հայրապետը ոչ միայն տօներուն առիթով նուէրներ բաժնեց բոլորին այլ նաեւ այցելութիւններու, հանդիպումներու եւ իր հայրական խօսքին ճամբով մխիթարեց բոլորը, մեր եկեղեցւոյ հոգածութիւնը արտայայտեց ու մանաւանդ վստահեցուց բոլորին, թէ հայ եկեղեցին իր ժողովուրդին հետն է ու առաւհլագոյն չափով կը փորձէ օգտակար ըլլալ անոր կարիքներուն:

Համալսարանական ուսանողներուն հետ իր ունեցած հայրական զրոյցի ընթացքին, Վեհափառը շեշտեց մեր համայնքին ու եկեղեցւոյ կեանքին անոնց մասնակցութեան հրամայականը` եզրակացնելով որ «երիտասարդութիւնը սիրտը կը կազմէ մեր հաւաքական կեանքին»: 

##

LEAVE A REPLY

Please enter your comment!
Please enter your name here