ԼԱՒՐՈՎ ԵՒ ԻՊՐԱՀԻՄԻ ԱՌԱՆՑ ՆԱԽԱՊԱՅՄԱՆԻ ԵՐԿԽՕՍՈՒԹԵԱՆ ՄԷՋ ԿԸ ՏԵՍՆԵՆ ՍՈՒՐԻՈՅ ՀԱԿԱՄԱՐՏՈՒԹԵԱՆ ԼՈՒԾՈՒՄԸ

0
73

ՄԱԿ-ի եւ Արաբական Լիկայի պատուիրակ  Լախտար Իպրահիմի  Մոսկուայի մէջ Ռուսիոյ արտաքին գործոց նախարար  Սերկէյ Լաւրովի հետ քննարկեց Սուրիոյ  իրավիճակը:  Հանդիպումէն ետք կայացած միացեալ մամլոյ ասուլիսի ընթացքին, Իպրահիմի պահանջեց գործադրել Ժընեւի համաձայնութեան կէտերը:  Ան  դիտել տուաւ, որ  Լիբանան եւ  Յորդանան չեն կրնար  ընդունիլ յաւելեալ  սուրիացի  գաղթականներ:  Իպրահիմի նաեւ պատրաստակամութիւն յայտնեց  վերանայելու   Ժընեւի համաձայնագիրի   կարգ մը  կէտեր:  Ան  ըսաւ, թէ միայն  քաղաքական  գործընթացը կրնայ Սուրիան փրկել դժոխքէն:

  Իր կարգին, Լաւրով յայտնեց, թէ   քաղաքական լուծում մը գտնելու կարելիութիւնները կը պահպանուին տակաւին:  Ան անհրաժեշտ նկատեց  Սէուտական Արաբիոյ եւ  Իրանի մասնակցութիւնը բանակցութիւններու յառաջիկայ հանգրուանին:

 Լաւրով  ընդգծեց, թէ  նախագահ Պաշշար Ասատ  մտադրութիւն  չունի լքելու իր պաշտօնը եւ այդ դիրքորոշումը փոխելը անհնար է: «Ան մտադիր է  մնալու իր  պաշտօնին վրայ, որպէսզի պաշտպանէ Սուրիոյ  ժողովուրդը: Այս    դիրքորոշումը  փոխելու հնարաւորութիւն չկայ» ըսաւ  ռուս դիւանագէտը:  Ռուսիոյ արտաքին գործոց նախարարը  մաղթեց,  որ  ընդդիմութիւնը  կը հրաժարի նախագահի հրաժարականը պահանջելու իր  նախապայմանէն եւ յստակ օրակարգեր կը  ներկայացնէ բանակցութիւններուն: « Այս  նախապայմանին  գինը պիտի  ըլլայ  յաւելեալ թիւով  սուրիացի քաղաքացիներու կեանքը». զգուշացուց  Լաւրով:

LEAVE A REPLY

Please enter your comment!
Please enter your name here