«ՄԻՋԻՆ ԱՐԵՒԵԼՔԻ ԵԿԵՂԵՑԻՆԵՐՈՒ ԽՈՐՀՈՒՐԴԻՆ ԱՋԱԿՑՈՒԹԻՒՆԸ ՀՐԱՄԱՅԱԿԱՆ ԱՆՀՐԱԺԵՇՏՈՒԹԻՒՆ Է»Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ

0
65

 Ուրբաթ 28 Դեկտեմբեր 2012-ի գիշեր, Պքէրքէի մէջ Վեհափառ Հայրապետին, Րայի Պատրիարքին եւ Եունան Պատրիարքին ներկայութեան միջ-եկեղեցական հանդիպում մը տեղի ունեցաւ: Հանդիպման ներկայ էին նաեւ Միջին Արեւելքի Եկեղեցիներու Խորհուրդի Գործադիր վարչութեան անդամներ եւ քրիստոնեայ համայնքին պատկանող մեծահարուստներ: Հանդիպման նպատակն էր ներկաներուն պարզել Խորհուրդի կատարած դերը Միջին Արեւելքէն ներս եւ քաջալերել որ անհատ մեծահարուստներ իրենց նոիւթական օժանդակութեամբ նեցուկ կանգնին Խորհուրդի գործունէութեան:

Իր խօսքին մէջ Վեհափառ Հայրապետը որպէս Միջին Արեւելքի Եկեղեցիներու Խորհուրդի նախագահներէն մէկը անդրադարձաւ հետեւեալ կէտերուն.-1) Միջին Արեւելքի Եկեղեցիներու Խորհուրդը շրջանին միակ եկեղեցական կառոյցն է, որուն մաս կը կազմեն շրջանի բոլոր եկեղեցիները: Անոր նպատակն է գործակցութիւն յառաջացնել եկեղեցիներուն միջեւ: 2) Խորհուրդի գլխաւոր առաջնահերթութիւններու կարգին են քրիստոնէական միութեան ամրապնդումը, ընկերային ծառայութիւնը, քրիստոնէական դաստիարակութիւնը եւ քրիստոնեայ-իսլամ երկխօսութիւնը: Ներկայ պայմաններուն մէջ յիշեալ առաջնահերթութիւնները յատուկ կարեւորութիւն կր ներակայացնեն: 3) Խորհուրդը կամուրջ մըն է քրիստոնէական աշխարհէն ներս Միջին Արեւելքի եւ արեւմուտքի քրիստոնէութեան միջեւ: 4) Խորհուրդը կոչուած է շրջանի եկեղեցիներու հաւաքական կամքը ու ձայնը ներկայացնելու ընդհանրապէս շրջանը ու յատկապէս քրիստոնէութիւնը յուզող հիմական հարցերու նկատմամբ:

Վեհափառ Հայրապետի խօսքէն յետոյ խօսք առին նաեւ Րայի եւ Եունան Պատրիարքները եւ իրենց տեսակէտները յայտնեցին Խորհուրդի գծով, միշտ շեշտելով Խորհուրդի գործունէութեան կարեւորութիւնը վեր առնելու հրամայականը:

Յայտնենք, որ այս առիթով Վեհափառ Հայրապետը նաեւ առանձին խօսակցութիւն մը ունեցաւ Րայի Պատրիարքին հետ ընհանրապէս Միջին Արեւելքը ու յատկապէս Սուրիան ու Լիբանանը յուզող հարցերու նկատմամբ:

 

LEAVE A REPLY

Please enter your comment!
Please enter your name here