2012-ի Կարեւոր Գործունէութիւնները` Ըստ Սէյրան Օհանեանի

0
90
ՀՀ պաշտպանութեան նախարարութեան կերդոնատեղիին մէջ Դեկտեմբեր 28-ին տեղի ունեցաւ նախարարին կից անձնակազմի նիստ, որուն ընթացքին ամփոփուեցան 2012 թուականի մարտական եւ զօրահաւաքային պատրաստութեան, զօրքերու ու շտապերու գործնական եւ մարտական պատաստութեան արդիւնքները եւ նախանշուեցաւ 2013 թուականի ուսումնական տարուան խնդիրները:

ՀՀ պաշտպանութեան նախարար Սեյրան Օհանեան իր խօսքին մէջ անդրադարձայ  անցնող տարուան մէջ սահմանի շարունակական ամրապնդման, մարտական հերթապահութեան կատարելագործման ուղղուած քայլերուն, 2012 թուականի գարնանային եւ աշնանային զօրակոչերու ընթացքում արձաբագրուած յառաջընթացին: Անցնող տարուան կարեւոր աշխատանքներու շարքին նախարարը առանձնացուց ՀՀ տարածքին տեղի ունեցած երեք խոշոր զօրավարժութիւնները` ռազմավարական հրամանատարական շտապային զօրավարժութեան Յուլիս ամսուն տեղի ունեցած ռազմաքաղաքական փուլը, Սեպտեմբերին իրականացուած ՀԱՊԿ արագ արձագանգման հաւաքական ուժերու կիրառմամբ «Փոխգործակցութիւն-2012» զօրավարժութիւնը, Հոկտեմբերին ռազմավարական հրամանատարական շտապային զօրավարժութիւններու` զինուած ուժերու կիրառման փուլը եւ անոր ծիրէն ներս իրականացուած մարտավարական զօրավարժութիւնները:

Հրամանատարական սպայական զօրավարժութեան ռազմաքաղաքական փուլը յատկապէս կարեւոր համարուած է համաժողովրդական բանակ գաղափարի ձեւաւորման առումով: Այդ զօրավարժութեան մասնակցած են պետական բոլոր կառոյցները եւ գերատեսչութիւնները: Նախարարը կարեւոր նկատած է նաեւ զօրքերու մարտական պատրաստութեան բարձրացման ուղղուած մեթոտական զօրավարժութիւնները, հաւաքները: Բոլոր այս միջոցառումները տեղի ունեցած են բարձր մակարդակով եւ մեծ դեր կատարած են գործնական ունակութիւններու ու հմտութիւններու կատարելագործման առումով:
Հաշուետու զեկոյցներով հանդէս եկած են ՀՀ զինուած ուժերու գլխաւոր սպայակոյտի պետ, զօրավար-գնդապետ Եուրի Խաչատուրով, ՀՀ գլխաւոր սպայակոյտի պետի տեղակալներ, ՀՀ զինուորական դատախազ Գէորգ Կոստանեան, կարգ մը վարչութիւններու պետեր:
Նարուան ընթացքին մարտական պատրաստութեամբ, կարգապահութեամբ, ինչպէս նաեւ հայրենիքի սահմաններու պաշտպանութեան գործին մէջ աչքի ինկած լաւագոյն զօրամասերուն Սէյրան Օհանեան անձնակազմի նիստի աւարտին պարգեւատրած է պատուոդրօշներով: Կարգ մը զօրամասերու հրամանատարներ եւ զինծառայողներ ՀՀ պաշտպանութեան նախարարի հրամանով արժանացած են  գերատեսչական մետալներու, պատուոգրերու եւ արժէքաւոր նուէրներու:

LEAVE A REPLY

Please enter your comment!
Please enter your name here