ԴԵՍՊԱՆ ՔՈՉԱՐԵԱՆ ԱՅՑԵԼԵՑ ՎԵՀԱՓԱՌ ՀԱՅՐԱՊԵՏԻՆ

0
63

Ուրբաթ 30 Դեկտեմբեր 2011-ի երեկոյեան, Ն.Ս.Օ.Տ.Տ. Արամ Ա. Կաթողիկոս ընդունեց այցելութիւնը Հայաստանի դեսպան Աշոտ Քոչարեանին: Դեսպան Քոչարեան Վեհափառ Հայրապետին փոխանցեց անձնապէս իր շնորհաւորութիւնները, ինչպէս նաեւ Հայաստանի Արտաքին Գործոց Նախարարին շնորհաւորական գիրը` Նոր Տարուան եւ Ս. Ծննդեան տօներուն առիթով:

            Հանդիպումը առիթ մը եղաւ ընդհանրապէս խօսելու Լիբանանի կացութեան ու Սփիւռքի հայութեան առնչուած հարցերու ու յատկապէս վերջերս Լիբանանի Հանրապետութեան Նախագահին Հայաստան տուած այցելութեան մասին:

            Յայտնենք, որ նոյն օրը Վեհափառ Հայրապետը հեռաձայնային խօսակցութիւն ունեցաւ Հայաստանի Հանրապետութեան Նախագահ Նորին Վսեմութիւն Սերժ Սարգսեանի եւ Ամենայն Հայոց Կաթողիկոս Նորին Ս. Օծութիւն Տ.Տ. Գարեգին Բ. Վեհափառ Հայրապետին հետ, եւ անոնց փոխանցեց իր եւ Մեծի Տանն Կիլիկիոյ Կաթողիկոսութեան շնորհաւորութիւնները Նոր Տարուան եւ Ս. Ծննդեան տօներուն առիթով:

            Յայտնենք, որ տօներու առիթով Վեհափառ Հայրապետը շնորհաւորական նամակներ ու հեռաձայններ ստացաւ հոգեւոր, պետական ու ազգային պատասխանատուներէն:

 

LEAVE A REPLY

Please enter your comment!
Please enter your name here