Կաղանդը Աշխարհին Շուրջ

0
130

  Ֆրանսայի գիւղական վայրերուն մէջ Յունուար 1-ին կ’երթան ջուր բերելու։ Ով առաջինը հասնի ջուրի մօտ, քաղցրեղէն մը կը ձգէ այնտեղ, յաջորդ եկողը կը վերցնէ այդ քաղցրեղէնը եւ կը ձգէ իրը, եւ այսպէս շարունակ։

Սպանիոյ մէջ սեղանին խաղող կը դնեն։ Ժամը 12:00-ին խաղողի ողկոյզէն 12 հատիկ կը առնելով գալիք տարուան 12 ամիսներուն համար ցանկութիւններ կը պահեն։

Անգլիոյ մէջ մարդիկ սենեակ կը մտնեն եւ մոմ կը վառեն, կը դնեն լուսամուտին դիմաց եւ անոր կը պատմեն ամբողջ տարուան ընթացքին կուտակուած հոգերն ու վիրաւորանքները՝ հաւատալով, որ անոնք կը հալին մոմի հետ։

Գերմանիոյ մէջ կը բարձրանան աթոռին եւ ժամացոյցի տասներկրորդ զարկին հետ կը թռչին դէպի նոր տարին։

Յոյները կը հաւատան, որ նոր տարուան առաջին օրը պէտք չէ պոռալ, բան վաճառել կամ առնել, սուրճ խմել կամ աղալ “լեղի է”։

Ռումանիոյ մէջ ամանորի նախօրէին կը պահեն սուր կտրող գործիքները, որովհետեւ կը հաւատան որ մեղաւորներուն հոգիները կրնան վնասել։ Այդ հոգիները կը վախնան սխտորի հոտէն, ուրեմն տօներուն պէտք է սխտոր ուտել։

Կրեթէ Կղզիին մէջ առաջին հիւրը իր հետ կը բերէ մեծ քար մը, կը դնէ գետին, կը նստի անոր կողքը, եւ բարեմաղթանքներ կ’ըսէ։ Ան իր խօսքը կ’եզրափակէ այսպէս. «թող այս քարին չափ ոսկի մտնէ ձեր տունը»։

Հայաստանի մէջ նոր տարին պէտք է սկսիլ նոր հացով։ Նոր տարուան համար թխուող հացի ալիւրէն մի քանի բուռ 7-8 տարեկան անմեղ աղջնակ մը կը շաղեր առանց թթխմոր խառնելու. ան պէտք է ինքնաբերաբար թթուէր եւ դառնար նոր տարուայ առաջին թթխմորը։

LEAVE A REPLY

Please enter your comment!
Please enter your name here