Ռուսիա, ԱՄՆ Եւ Իպրահիմի Պիտի Քննարկեն Սուրիոյ Հարցը . Նուլանտ

0
81

 Միացեալ Նահանգներու արտաքին գործոց նախարարութեան խօսնակ Վիքթորիա Նուլանտ երէկ յայտնեց, որ Սուրիոյ հարցին շուրջ Միացեալ Նահանգներ – Ռուսիա – Իպրահիմի ձեւաչափով բանակցութիւնները կրնան տեղի ունենալ յունուարի կէսերուն: Այս մասին կը յայտնէ RT-ն։

«Մենք կ՛ակնկալենք, որ Միացեալ Նահանգներու արտաքին գործոց նախարարի առաջին տեղակալ Ուիլիըմ Պըրնզի, Ռուսիոյ արտաքին գործոց փոխնախարար Միխայիլ Պոկտանովի եւ ՄԱԿ-ի ու Արաբական Լիկայի յատուկ պատուիրակ Լախտար Իպրահիմիի միջեւ բանակցութիւնները տեղի ունենան Յունուարի կէսերուն», նշեց Նուլանտ:

Պատասխանելով աւելի ճշգրիտ ժամկէտերու մասին հարցումին` ան յիշեցուց Ռուսիոյ մէջ շարունակուող տօնական շրջանը` ուղղափառ եկեղեցւոյ Ս. Ծննդեան տօնէն ետք:

Ըստ Նուլանտի, Ուաշինկթըն առաջուան նման կ՛ակնկալէ, որ Ռուսիա իր ազդեցութիւնը օգտագործէ, որպէսզի Ասատը համոզէ քաղաքականութենէն հեռանալու:

Արտաքին գործոց նախարարութեան ներկայացուցիչը հաստատեց Միացեալ Նահանգներու տեսակէտը, ըստ որուն, Ասատ չի կրնար քաղաքական փոխանցման հանգրուանին մասնակցիլ: «Մենք մէկ տարիէ աւելի կը խօսինք այդ մասին եւ ոչինչ փոխուած է: Ասատ պէտք է հեռանայ», ըսաւ Նուլընտ: Ան յիշեցուց, որ ՄԱԿ յայտարարեց, որ 2011-էն ի վեր Սուրիոյ մէջ 60 հազար զոհ արձանագրուած է:

 

 

 

LEAVE A REPLY

Please enter your comment!
Please enter your name here