ԱՍԱՏ՝ ԱԹՈՌՆԵՐԸ ԱՆՑՈՂԻԿ ԵՆ , ՀԱՅՐԵՆԻՔԸ՝ ՄՆԱՅՈՒՆ

0
89

Այսօր առաւօտեան,  մայրաքաղաք  Դամասկոսի մէջ,  Սուրիոյ նախագահ Պաշար Ասատ  յայտարարեց, թէ   երկրին մէջ   տեղի ունեցող հակամարտութիւնը հայրենիքի գոյութեան   եւ անոր  թշնամիներուն միչեւ  է, եւ ոչ՝ պետութեան ու  ընդդիմութեան:

 Ասատ՝   հիմնական  կէտերու մէջ  համապարփակօրէն  ներկայացուց  Սուրիոյ   իրավիճակը՝  երկխօսութեան պատրաստակամութիւն յայտնելով   ընդդիմութեան եւ քաղաքական հոսանքներու հետ:   Սուրիոյ  նախագահը մերժեց  երկխօսութեան  ձեռք մեկնել Արեւմուտքի  կամակատարներուն :  Ան ըսաւ, թէ  կառավարութիւնը մինչեւ օրս  լիարժէք գործընկեր մը  չէ   գտած, վերջ դնելու   երկրին  21-ամսեայ  հակամարտութեան:  Ան աւելցուց, թէ  իշխանութիւնը պատրաստ է երկխօսութեան.« Կառավարութիւնը շատ մօտիկ ապագային ազգային   երկխօսութեան պիտի հրաւիրէ քաղաքական բոլոր հոսանքները» ըսաւ ան, աւելցնելով, որ Սուրիա  կը փափաքի  խաղաղութիւն եւ  փոխհասկացողութիւն:  Ասատ  պատրաստակամութիւն յայտնեց   հանրաքուէի միջոցաւ   փոփոխութեան ենթարկելու   երկրի սահմանադրութիւնը : Ան  խոստացաւ  համընդհանուր  ներում շնորհել բոլորին:   Սուրիոյ նախագահը զգուշացուց  արտաքին ուժերու կողմէ երկիրը  բաժնելու ծրագիրի մը գոյութենէն .« Հայրենիքը բոլորին կը պատկանի եւ  բոլորս պարտինք պաշտպանել անոր» ըսաւ Սուրիոյ նախագահը:  Ասատ դատապարտեց   վարձկաններ Սուրիա առաքող պետութիւնները:  Ան  յստակօրէն   ընդգծեց, թէ  զինադադար գոյացնելու  համար  նախապայման է, որ     օտար պետութիւնները  զէնք չուղարկեն  եւ  դադրեցնեն  հովանաւորել   զինեալները ,  որպէսզի գաղթականները վերադառնան իրենց  բնակարանները: Ան աւելցուց, թէ այս նախապայմանին գործադրութենէն  ետք միայն    բանակը վերջ պիտի դնէ զինեալ գործողութիւններուն:   Ակնարկելով   միջնորդական առաքելութիւններուն,  Ասատ յայտնեց, թէ  նախաձեռնութիւններուն եւ լուծումներուն հիմքը   պարտի ըլլալ սուրիական: Ասատ, երկդիմի մեկնաբանութիւններ եւ   անորոշութիւններ դիտել  տուաւ Ժընեւի համաձայնագիրին մէջ:  

   Նախագահը   շեշտեց, թէ  ոչ ոք պիտի յաջողի  բաժանումի ենթարկե  Սուրիան եւ  ոտնակոխել անոր գերիշխանութիւնը:  Նախագահին   ելոյթը  դիմաւորուեցաւ ծափողջիւններով:   Իր խօսքին մէջ  Ասատ  նաեւ  յայտնեց, թէ աթոռները անցողիկ են, իսկ հայրենիքը՝ մնայուն:

LEAVE A REPLY

Please enter your comment!
Please enter your name here