ՎՐԱՑ ՈՒՂՂԱՓԱՌ ԵԿԵՂԵՑԻ. ԱՏՐՊԷՅՃԱՆԱԿԱՆ ԼՐԱՏՈՒԱՄԻՋՈՑՆԵՐԸ ԱՊԱՏԵՂԵԿԱՏՈՒՈՒԹԻՒՆ ՏԱՐԱԾԱԾ ԵՆ ԻԼԻԱ ԵՐԿՐՈՐԴԻ ՎԵՐԱԲԵՐԵԱԼ

0
70

Վրաստանի պատրիարքարանի արտաքին  յարաբերութիւններու  գրասենեակի  ղեկավար մեթրոփոլիթ  Գերասիմ յայտարարեց, թէ Լեռնային Ղարաբաղի վերաբերեալ ատրպէյճանական լրատուամիջոցներու կողմէ  վերագրուող արտայայտութիւնները   կեղծ են եւ չեն համապատասխաներ ճշմարտութեան:

 Ազերիական  լրատուական միջոցները  տեղեկութիւն տարածած էին, թէ  Թիֆլիսի մէջ  Կովկասի  մահմետականներու առաջնորդ  Ալլշուքիւր   Փաշազատէի   հետ  հանդիպման ընթացքին, վրաց   ուղղափառ եկեղեցւոյ առաջնորդ  Իլիա  Երկրորդը յայտարարած է.« Լեռնային Ղարաբաղը եղած է  եւ կը մնայ  Ատրպէյճանի անքակտելի  մասը այնպէս, ինչպէս Հարաւային Օսեթիան եւ  Աբխազիան  միշտ պատկանած են Վրաստանին»:

Այս տեղեկութիւնները տարածած էին   շարք մը հայկական լրատուական  միջոցներ,  մինչդեռ լրատուական  աղբիւրները չէին հրապարակած նման տեղեկատուութիւն:  Վրաց եկեղեցին կտրականապէս հերքեց նման  յայտարարութեան մը իրողութիւնը: Փաստօրէն վրաց պատրիարքը  չէր  կատարած նման յայտարարութիւն:  Ազերի  քարոզչութիւնը   հոգեւորականներն անգամ չի խնայեր:

LEAVE A REPLY

Please enter your comment!
Please enter your name here