Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ 2013–Ը ԿԸ ՀՌՉԱԿէ «ՀԱՅ ՄՕՐ ՏԱՐԻ»

0
82

Ուրախութեամբ կը հաստատենք, որ Ն.Ս.Օ.Տ.Տ. Արամ Ա. Կաթողիկոս 2013 տարին հռչակած է «Հայ Մօր Տարի»: Այս առիթով գրուած Վեհափառ Հայրապետին պատգամը պիտի կարդացուի յառաջիկայ Կիրակի, 13 Յունուարին Անթիլիասի Ս. Գրիգոր Լուսաւորիչ Մայր Տաճարին մէջ: Վեհափառ Հայրապետին պատգամը պիտի կարդացուի նաեւ Մեծի Տանն Կիլիկիոյ Կաթողիկոսութեան բոլոր թեմերէն ներս:

 Վեհափառ Հայրապետը իր պատգամի վերջաւորութեան կ՛ըսէ.– «Ներկայ տարին Հայ Մօր Տարի հռչակելով, Մեր սպասումն է, որ`

 ա) Անդրադառնանք մեր կեանքէն ներս հայ մօր վիճակուած նուիրական առաքելութեան:

 բ) Վերահաստատենք հայ մօր նկատմամբ մեր ունեցած խորունկ սէրն ու բարձր յարգանքը:

 գ) Յիշեցնենք միաժամանակ հայ մօր իր եզակի դերն ու ճշմարիտ դիմագիծը միշտ պայծառ պահելու հրամայականը:

 Հետեւաբար, Մեր այս սպասումներու լոյսին տակ, Մեր հայրական թելադրութիւնն է ուղղուած մեր Թեմակալ Առաջնորդներուն, հոգեւոր դասուն, ազգային իշխանութեանց ու մեր կեանքէն ներս գործող բոլոր կառոյցներուն, որ ներկայ տարուան ընթացքին յատուկ նախաձեռնութիւններով վերաշեշտեն ու վերարժեւորեն հայ մօր տիպարը` իր հարազատ պատկերով ու առանցքային դերով մեր եկեղեցւոյ, ազգին ու հայրենիքի կեանքին մէջ»:

LEAVE A REPLY

Please enter your comment!
Please enter your name here