Իպրահիմի Ժընեւի Մէջ Ռուս Եւ Ամերիկացի Դիւանագէտներու Հետ Պիտի Քննարկէ Սուրիոյ Իրավիճակը

0
88

 Ռուսական «Ինթերֆաքս» լրատու գործակալութիւնը հաղորդեց, որ Սուրիոյ հարցով ՄԱԿ-ի եւ Արաբական լԼկայի յատուկ պատուիրակ Լախտար Իպրահիմի ռուս ու ամերիկացի դիւանագէտներու հետ Սուրիոյ շուրջ խորհրդակցութիւններ պիտի ունենայ Ուրբաթ օր, Ժընեւի մէջ:
Իր կարգին, Սուրիոյ տեղեկատուական հարցերու նախարար Օմրան Զուպի խստօրէն քննադատեց այն իրողութիւնը, որ արեւմտեան պետութիւնները, առանց նախագահ Պաշար Ասատի «առաջարկի բնագիրին թարգմանութեան սպասելու»՝ մերժած են ծրագիրը:
Յայտնենք, թէ Ասատի խաղաղութեան ծրագիրը մերժած Միացեալ Նահանգներու արտաքին գործոց նախարարութեան բանբեր Վիքթորիա Նուլանտ իր ելոյթին մէջ Ասատը նկատեց «անմարդկային եւ անհաւասարակշիռ» անձ մը: Ան ըսաւ, որ Ուաշինկթըն որդեգրած է սուրիական վարչակարգին վրայ «պատժամիջոցներով ճնշում գործադրելու, ոչ ռազմական օժանդակութեամբ ընդդիմութեան աջակցելու, ինչպէս նաեւ Սուրիոյ մէջ եւ անկէ դուրս մարդասիրական օգնութիւն ցուցաբերելու» քաղաքականութիւնը: Ան կրկնեց, թէ սուրիական խնդիրի լաւագոյն լուծումը պիտի ըլլայ բռնութեանց դադրեցումը եւ Ասատի հեռացումը:
Միւս կողմէ, Իրանի արտաքին գործոց նախարարութեան բանբեր Ռամին Մեհմանփարասթ նշեց. «Ասատի արտասանած ճառին եւ Սուրիոյ տագնապի լուծման վերաբերեալ վեց կետերէ բաղկացած ծրագիրին ուղղութեամբ ընթացող Ասատի ներկայացուցած նախաձեռնութեան մեր զօրակցութիւնը յայտնեցինք, որովհետեւ սուրիական հարցը զինուորական լուծում մը չունի, այլ՝ քաղաքական լուծումներ, եւ Ասատի ճառը յաւելեալ խորհրդակցութեան ու հասկացողութեան առանցք մը կը կազմէ»:
Արաբական դիւանագիտական աղբիւրներ «Շարք Աուսաթ» օրաթերթին յայտնեցին, որ Մոսկուայի եւ Ուաշինկթընի միջեւ նոր հանդիպումներուն մէջ գոյութիւն ունի նոր մթնոլորտ մը, որ կրնայ նպաստել Իպրահիմիի առաքելութեան: Աղբիւրները կը նշեն, որ կողմերուն մեկնակէտերը տարբեր են, սակայն անոնք կը գիտակցին, թէ սուրիական թղթածրարը կառավարելու համար համագործակցելու կարիքը ունին: «Երկու երկիրները հասած են այն համոզումին, որ ո՛չ ընդդիմութիւնը կրնայ նախագահ Պաշար Ասատը տապալել, ո՛չ ալ վերջինս կրնայ զինուորական գետնի վրայ ընդդիմութեան վերջ տալ, ինչ որ գործնականին մէջ կը նշանակէ ճակատումներու անժամկէտ շարունակում, որ զոհերու ու քանդումի ցանկը պիտի երկարէ», աւելցուցած են նշեալ աղբիւրները: Անոնք աւելցուցած են, որ «Ուաշինկթըն հասաւ այն եզրակացութեան, թէ շրջանին մէջ իր առաջնահերթութիւնները պէտք է վերատեսութեան ենթարկէ, ինչ որ կ՛ենթադրէ ռուսական կողմին հետ գործակցիլ, անոր ոճն ու ուղեգիծը բարեփոխելու նպատակով»: Մոսկուա իր զօրակցութիւնը  յայտնեց  նախագահ Ասատի  նա:աձեռնութեան:

LEAVE A REPLY

Please enter your comment!
Please enter your name here