Հայաստանի Նախագահական Ընտրութիւններէն Առաջ Ընտրողներուն Թիւը Բարձրացած Է

0
62

 Հայաստանի ոստիկանութեան անձնագրային եւ մուտքի արտօնագիրներու վարչութիւնը Կեդրոնական ընտրական յանձնաժողովին (ԿԸՅ) ներկայացուցած է ընտրողներուն ցանկը, ըստ ընտրական տեղամասերուն՝ ԿԸՅ-ի կայքէջին վրայ փնտռելու կարaելիութեամբ տեղադրելու համար: 2013ի նախագահական ընտրութիւններու ընտրացանկերուն մէջ թիւի աճ արձանագրուած է՝ Ազգային ժողովի ընտրութիւններուն ընտրողներուն թիւին հետ բաղդատելով։  Այս մասին «Արմենփրէս»ին հետ ունեցած զրոյցին ընթացքին յայտարարած է Հայաստանի ոստիկանութեան անձնագրային եւ մուտքի արտօնագիրներու վարչութեան պետ Յովհաննէս Քոչարեանը:
«Ընտրացուցակներն արդէն պատրաստ են եւ վաղը կը զետեղուեն նաեւ Հայաստանի ոստիկանութեան պաշտօնական կայքէջում՝ ներբեռնման հնարաւորութեամբ: Ազգային ժողովի ընտրութիւններից առաջ նախնական ցուցակներում ընտրողների թիւը կազմում էր 2 միլիոն 485 հազար 844: Իսկ 2013-ի Յունուարի վեցի դրութեամբ՝ ընտրողների նախնական թիւը (Մայիսի վեցից մինչեւ Յունուարի վեցն ընկած ժամանակահատուածում) աճել է 25 հազար 53ով», ըսած է Քոչարեան:
Քոչարեան դիտել տուած է, որ՝ «29 հազար 986 մարդ ընտրացուցակներում աւելացել է դեռ 2012 թ. Մայիսին խորհրդարանական ընտրութիւնների ժամանակ՝ 18 տարին լրանալով պայմանաւորուած»: Անոր համաձայն, ընտրացանկերուն մէջ ընդգրկուած են նաեւ 13 հազար 948 ընտրողներ: 11 հազար 988 քաղաքացի՝ 18 տարի եւ աւելի տարիք ունեցող, առաջին անգամ անձնագրաւորուելով մաս կազմած են ցանկերուն։
Անոր համաձայն, Հայաստանի քաղաքացիութիւն ստացած 4 հազար 107 ընտրող հաշուուած է Հայաստանի մէջ, որոնց բոլորը սուրիահայեր չեն։ Քաղաքացիութեան ճանաչման հիմքով Հայաստանի քաղաքացիի անձնագիր ձեռք բերած են 1016 անձեր. նոյն ժամանակահատուածին մահուան պատճառով հաշիւներէն դուրս հանուած են 15 հազար 572 անձեր, իսկ սեփականութեան հիմքով՝ 10 հազար 601, այլ հիմքերով՝ 9419 ուրիշներ:
Խօսելով Հայաստանի նախագահական ընտրութիւններուն սուրիահայութեան մասնակցութեան մասին՝ Քոչարեան շեշտած է, որ ցանկերուն մէջ նկատի առնուած են այն սուրիահայերը, որոնք Հայաստանի մէջ արձանագրուած են։ Անոնք, որոնք ցանկերուն մէջ չկան, ուրեմն նկատի չեն առնուիր։

LEAVE A REPLY

Please enter your comment!
Please enter your name here