Պաքու Անօրինական Կը Նկատէ Սուրիահայերու Արցախ Բնակեցումը

0
125

 Ատրպէյճանի արտաքին գործոց նախարար Էլմար Մամետիարով նշած է, թէ Պաքու մօտէն կը հետեւի Արցախի մէջ սուրիահայեր բնակեցնելու քայլերուն՝ աւելցնելով. «Այս հարցը բարձրացուած է ԵԱՀԿ-ի Մինսքի խմբակի համանախագահներուն առջեւ: Մենք նշեցինք, որ նման քայլեր անօրինական են: Բնակեցուած սուրիահայերու թիւը կրնայ շատ մեծ չըլլալ, սակայն մենք պիտի շարունակենք մեր ուշադրութեան կեդրոնը պահել այս հարցը»:
Միւս կողմէ, ան յայտնեց, թէ Ստեփանակերտի օդակայանին հետ կապուած Պաքուի դիրքորոշումը «յայտնի է բոլորին»՝ աւելցնելով. «Եթէ Հայաստանի ղեկավարութիւնը համաձայնի իր զօրքերը Ատրպէյճանի բռնագրաւեալ տարածքներէն դուրս բերելու պահանջին, ապա խաղաղութեան պայմանագիրի շրջանակներով կարելի է այդ օդակայանը գործածելու իրաւունք տալ՝ մարդասիրական նպատակներով: Սակայն, այնքան ատեն, որ ատրպէյճանական տարածքները գրաւեալ կը մնան, այդ օդակայանի գործարկումը անօրինական է»:

 

LEAVE A REPLY

Please enter your comment!
Please enter your name here