ՕՃԱԼԱՆ ԿԸ ՊԱՀԱՆՋԷ ԲԱՑԱՅԱՅՏԵԼ ՓԱՐԻԶԻ ՈՃԻՐՆԵՐՈՒՆ ՅԱՆՑԱԳՈՐԾՆԵՐԸ

0
102

 Իմրալի կղզիին մէջ  բանտարկուած Քիւրտիստանի Աշխատաւորական Կուսակցութեան ղեկավար Ապտուլլա Օճալան դատապարտեց Փարիզի մէջ քիւրտ ականաւոր կին գործիչներու սպանութիւնը եւ  պահանջեց  անոր ծալքերուն բացայայտումը:

Ապտուլլա Օճալան սպանութիւնները «նշան մը» նկատեց:  Ան ըսաւ, որ «Փարիզի մէջ երեք քիւրտ կիներու սպանութեան հարցը պէտք է անմիջապէս լուծուի, որովհետեւ ուրուային ուժեր գործի լծուած են»:

Մինչ այդ, Թուրքիոյ փոխվարչապետ, կառավարութեան բանբեր Պիւլենթ Արընչ Թուրքիոյ նախարարաց խորհուրդի նիստէն ետք տրուած մամլոյ ասուլիսի մը ընթացքին յայտնեց, որ Փարիզի մէջ սպաննուած երեք քիւրտ կիներուն յուղարկաւորութիւնը պէտք չէ վերածուի գրգռութեան: Թրքական  խորհրդարանի  քիւրտ անդամներ երկրի  իշխանութիւնը ամբաստանեցին Փարիզի  ոճիրներուն համար եւ  կառավարութենէն  պահանջեցին անմիջապէս  բացայայտել  յանցագործները: Նշենք, թէ  երեք կանանց յուղարկաւորութիւնը   տեղի պիտի ունենայ   Տիարպեքիրի մէջ,  20  կամ  21 Յունուարին:

LEAVE A REPLY

Please enter your comment!
Please enter your name here