«Ֆրիտըմ Հաուս»-ը Լեռնային Ղարաբաղը Կը Ճանչնայ Անկախ Պետութիւն

0
109

«Ֆրիտըմ Հաուս» միջազգային իրաւապաշտպան կազմակերպութիւնը հրապարակեց ժողովրդավարական բարեփոխումներու վերաբերեալ իր տարեկան զեկուցումը, որուն մէջ Հայաստանը եւ Լեռնային Ղարաբաղի Հանրապետութիւնը ընդգրկուած են մասամբ ազատ երկիրներու շարքին:

Զեկուցումին մէջ կը նշուի, որ քաղաքական իրաւունքներու առումով Լեռնային Ղարաբաղի  հանրապետութիւնը  իր դիրքը բարելաւած է մէկ կէտով` դուրս գալով ոչ ազատ երկիրներու շարքէն: Կը նշուի, որ Արցախի կարգավիճակը բարձրացած է` հաշուի առնելով իսկական ընդդիմութեան մասնակցութեամբ մրցունակ նախագահներու կատարումը:

Հայաստանի վերաբերեալ եւս կը նշուի, որ անոր դիրքը բարելաւուած է շնորհիւ Մայիսին տեղի ունեցած խորհրդարանական ընտրութիւններուն իբրեւ արդիւնք արմատական ընդդիմութեան խորհրդարան մուտք գործելուն:

Ըստ զեկուցումին, Վրաստան եւս մասամբ ազատ երկիր է, սակայն Ատրպէյճան կը շարունակէ մնալ ոչ ազատ երկիրներու շարքին:

«Ֆրիտըմ Հաուս»-ի ուսումնասիրած 195 երկիրներէն ազատ են 87-ը, ուր կը բնակի երկրագունդի բնակչութեան 43 առ հարիւրը:

LEAVE A REPLY

Please enter your comment!
Please enter your name here