ՆԵԹԱՆԻԱՀՈՒ ՅԱՂԹԱՆԱԿՈՎ ԴՈՒՐՍ ՊԻՏԻ ԳԱՅ ԱՅՍՕՐՈՒԱՆ ԸՆՏՐՈՒԹԻՒՆՆԵՐԷՆ

0
139

 Այսօր խորհրդարանական կանխահաս ընտրութիւններ տեղի պիտի ունենան Իսրայէլի մէջ:

«Կալլոփ»-ի կողմէ կատարուած հարցախոյզ մը ցոյց տուաւ, որ վարչապետ Պենիամին Նեթանիահու երեքշաբթի օր 34 քաղաքական կուսակցութեանց մասնակցութեամբ ընտրութիւններուն հաւանական յաղթականն է:

Լիքուտի ղեկավար Նեթանիահու եւ Իսրայէլի արտաքին գործոց նախարար, «Եիսրայէլ Պէյթինու» (Իսրայէլը մեր տունն է) կուսակցութեան նախագահ Աւիկտոր Լիպըրման որոշեցին ընտրութեան միացեալ ցանկով մասնակցիլ, եւ անոնց ծայրայեղ աջակողմեան համախմբումները միասնաբար Քնեսեթին մէջ 42 աթոռներ ունին: Կը նախատեսուի, որ այսօրուան ընտրութիւններուն ընթացքին անոնք միայն 32 աթոռներ գրաւեն:

Մինչ Նեթանիահու յառաջատար դիրքի վրայ է եւ կը նախատեսուի, որ դարձեալ վարչապետի պաշտօնը ստանձնէ, կը նախատեսուի, որ իր Լիքուտ-Պէյթինու պլոքը ներկայիս իր ունեցած աթոռներէն նուազ աթոռներ ապահովէ:

Իսրայէլեան վերջին «Կալլոփ» հարցախոյզը ցոյց կու տայ, որ աջակողմեան կուսակցութիւնները 120 աթոռներէ բաղկացած Քնեսեթին մէջ 63 աթոռներ պիտի ապահովեն, իսկ ձախակողմեան կուսակցութիւնները` 57 աթոռներ:

Ըստ հարցախոյզին, այսօրուան ընտրութիւններէն ետք Քնեսեթի աթոռներուն դասաւորումը հաւանաբար հետեւեալը պիտի ըլլայ. Լիքուտ-Պէյթինու` 32 աթոռ, Աշխատաւորական կուսակցութիւն` 17 աթոռ, Հրէական տունը` 14 աթոռ, Եշ Աթիտ` 12 աթոռ, Շաս` 12 աթոռ, Հաթնուա` 8 աթոռ, Մերեց` 6 աթոռ, Հատաշ` 5 աթոռ, Պալատ` 4 աթոռ եւ Ռա՛ամ Թալ-ալ` 3 աթոռ:

LEAVE A REPLY

Please enter your comment!
Please enter your name here