«Եուրոտեսիլ 2013»ին Հայաստանը Պիտի Ներկայացնէ Գոռ Սուջեանը

0
121

 Հայաստանի հանրային պատկերասփիւռի կայանէն աղբիւրներ հաղորդած են, որ «Եուրոտեսիլ 2013»ի մրցումին Հայաստանը պիտի ներկայացնէ ռոք երգիչ Գոռ Սուջեանը:
Յառաջիկային այս մասին արդէն պաշտօնական հաղորդագրութիւն պիտի հրատարակուի: Եուրոտեսիլի մէջ հայաստանեան պատուիրակութեան ղեկավար Գոհար Գասպարեանը «Թերթ»ին հետ ունեցած զրոյցին ընթացքին ո՛չ հերքեց, ոչ հաստատեց այդ տեղեկատուութիւնը, այնուամենայնիւ, խոստանալով այդ մասին ճշգրիտ ու հաստատ տեղեկութիւն ունենալու պարագային փոխանցում կատարել։
Միւս կողմէ, Գոռ Սուջեան «Թերթ»ին հետ զրուցելով յայտնած է, որ տակաւին յստակ չէ մասնակցութեան պարագան, սակայն շուտով ամէն ինչ յստակ կը դառնայ։
Նշենք, որ նախապէս խօսուած էր նաեւ Սիրուշոյի մասնակցութեան կարելիութեան մասին, որուն անդրադարձած էր նաեւ Եուրոտեսիլի պաշտօնական կայքէջը՝ Eurovision.tv-ն։
Նշենք նաեւ, որ Գոռ Սուջեանը վերջերս «Մենք ենք մեր հայերը» յայտագիրը ամանորեայ յատուկ ծրագիրին ընթացքին յայտարարած էր, թէ «Դորիանս» խումբի պառակտման մասին լուրերը չեն համապատասխաներ իրականութեան, իրենք պարզապէս ժամանակաւոր դադար առած են։

 

LEAVE A REPLY

Please enter your comment!
Please enter your name here