ՆԵԹԱՆԻԱՀՈՒ ՅԱՂԹԱԿԱՆ ԴՈՒՐՍ ԵԼԱՒ ԸՆՏՐՈՒԹԻՒՆՆԵՐԷՆ

0
148

 Իսրայէլի  խորհրդարանական  ընտրութիւնները աւարտեցան Պենիամին Նեթանիահուի եւ  աջակողմեան  կուսակցութիւններու յաղթանակով: Երէկ առաւօտեան ժամը 7:00-ին ընթացք առին Իսրայէլի խորհրդարանական ընտրութիւնները, որոնց մասնակցութեան համեմատութիւնը շատ բարձր եղաւ: Ընտրական պատասխանատուներ յայտնեցին, որ մասնակցութեան համեմատութիւնը կը գնահատուի 66  առ հարիւր էր, ինչ որ 1999-էն ի վեր ընտրութիւններուն մէջ արձանագրուած ամէնէն բարձր համեմատութիւնն է:

Աջակողմեան կուսակցութիւնները 120 աթոռներէ բաղկացած Քնեսեթին մէջ ապահոված են 62 աթոռ, իսկ ձախակողմեան կուսակցութիւնները` 58 աթոռ:

Պենիամին Նեթանիահուի եւ Աւիկտոր Լիպերմանի գլխաւորած Լիքուտ-Պէյթինու համախոհական ցանկը ապահոված է 31 աթոռ, լրագրող Եայիր Լափիտի ղեկավարած «Ապագայ գոյութիւն ունի» կուսակցութիւնը` 19 աթոռ, Աշխատաւորական կուսակցութիւնը` 17 աթոռ, «Հրէական տուն» կուսակցութիւնը` 12 աթոռ, արաբները` 9-էն 11 աթոռ, Մերեց կուսակցութիւնը` 7 աթոռ, իսկ Ցիփի Լիւնիի «Շարժումը» կուսակցութիւնը` 7 աթոռ: Քատիմա եւ «Ուժը Իսրայէլին» կուսակցութիւնները ձախողեցան մուտք գործել խորհրդարան:

Նախնական արդիւնքներուն հրապարակումէն անմիջապէս ետք Նեթանիահու յայտարարեց, որ «այս գիշեր կառավարութիւն կազմելու ջանքերու պիտի սկսիմ»` աւելցնելով, որ «իսրայէլացիները որոշեցին, թէ կ՛ուզեն, որ յառաջիկայ կառավարութիւնը ես կազմեմ»: «Զիս վերընտրելնուն համար իսրայէլացիներուն շնորհակալութիւն կը յայտնեմ», ըսաւ ան:

LEAVE A REPLY

Please enter your comment!
Please enter your name here